Խաղողի ծաղիկներից պատրաստված G’Vine ջինն արտադրվում է Maison Villevert ըներության կողմից: Այն հիմնադրել է գործարար Ժան-Սեբաստիան Ռոբիկեն: Maison Villevert-ը Ֆրանսիայի Շարանտի շրջանում գտնվող կալվածքի անվանումն է: 2004թ. արտադրողը ստեղծեց իր հեղինակավոր G’Vine բրենդը: Այս ջինի բաղադրության մեջ խաղողի ծաղկի օգտագործումը նորարարական քայլ է: Դրանք ձեռքով հավաքվում են, մի քանի օր պահվում կոնյակի մեջ, այնուհետև թորվում: Այս յուրահատուկ սպիրտը միախառնվում է թորած  այլ բույսերի և համեմունքների հետ, անցնում է երկրորդ և վերջնական թորումներ, որից հետո ստացվում է G’Vine-ը: Ընկերության արտադրանքն այսօր ամբողջությամբ արտացոլում է ֆրանսիական արվեստը: Համատեղելով ավանդույթները և ժամանակակից մեթոդները՝ արտադրողը սպառողին հնարավորություն է տալիս վայելել որակյալ ջին, տեկիլա և վերմուտ: Maison Villevert-ի հայտնի բրենդներից են La Quintinye Vermouth Royal-ը և La guilde du Cognac-ը: