Amrut Distilleries-ի պատմությունը շատ հին է։ Ընկերությունն ի սկզբանե վիսկիի արտադրության առաջատարն էր համարվում իր երկրում, իսկ 1948 թվականին Amrut-ի արտադրանքը մուտք է գործում համաշխարհային շուկա։ Ըստ հնդկական դիցաբանության՝ երբ աստվածներն ու դևերը Մերու լեռան հետ խառնում էին օվկիանոսը, խորը անդունդից հայտնվում է մի ոսկե անոթ, որը պարունակում էր կյանքի էլիքսիր։ Այս կախարդական հեղուկը կոչվում էր «Ամրութ»։ Ընկերության հիմնադիրը Շրի Ռադակրիշնան էր,ում ղեկավարության ներքո ընկերությունը շատ արագ հաստատվեց որպես հնդկական լիկյորի հիմնական արտադրող։ 1976 թվականին, նրա մահից հետո, իշխանության ղեկը անցավ որդուն՝ ներկայիս ղեկավար և գործադիր տնօրեն՝ Նեելականտա Ռաո Ջագդեյլին։ Հիմնվելով հոր սահմանած հստակ չափանիշների վրա՝ նրա օրոք ընկերությունն ավելի մեծ ճանաչում ձեռք բերեց , իսկ արտադրանքի որակն էլ ավելի բարձրացավ։ Պահելով վաղեմի ավանդույթնորը, միևնույն ժամանակ չշրջանցելով տեխնոլոգիական նորարարությունները՝ Amrut Distillery-ն դարձել է միջազգային խաղացող: