Kumala-ն Հարավային Աֆրիկայի ամենահայտնի գինեգործարաններից մեկն է: Kumala գինիները ներկայացված են աշխարհի ավելի քան 40 երկրներում և հատկապես հայտնի ու սիրված են Մեծ Բրիտանիայում: Գինեգործարանը գտնվում է հարավաֆրիկյան Ստելենբոշ քաղաքի մոտ՝ ոչ հեռու այն կետից, որտեղ հանդիպում են Հնդկական և Ատլանտյան օվկիանոսները: Այս շրջանում գինեգործությունը սկսել է զարգանալ 17-րդ դարի վերջին, երբ երկիրը սկսեց բնակեցվել գերմանացի և հոլանդացի գաղութարարների կողմից։ Իսկ “Kumala” բառը տեղի ցեղերի բարբառից թարգմանաբար նշանակում է «վարվել այլ կերպ»։ Kumala-ն համագործակցում է տարբեր շրջանների խաղողագործների հետ։ Մեղմ ծովային կլիմայի, տաք եղանակի, ինչպես նաև հիանալի դրենաժային համակարգի շնորհիվ այստեղ աճող խաղողից ստանում են բարձրորակ ու տարբեր սորտային գինիներ։ Kumala-ի գինիները տեղական տերուարի արտահայտումն են. դրանք նույնքան վառ և առանձնահատուկ են, որքան հենց Աֆրիկան։