Գինին ունի մուգ ռուբինագույն երանգ։ Էլեգանտ բույրի մեջ զգալի են հասած կարմիր հատապտուղների և մրգերի, համեմունքների, խոտաբույերի ու փայտի ակնարկներ։ Քիմքին փափուկ է՝ մրգային, համեմունքային, սրճային  նոտաներով, կլորավուն տանիններով ու հաճելի երկար հետհամով:

Արտակարգ կերպով համադրվում է տապակած խոզի մսի ու բադի հետ։

Խմորումը տեղի է ունենում չժանգոտվող պողպատե պահամաններում։  

Գինին 3-9 ամիս հնացվել է ֆրանսիական և ամերիկյան կաղնեփայտե տակառներում։ 

Kumala-ն Հարավային Աֆրիկայի թերևս ամենախոստումնալից և հեռանկարային գինեգործարանն է: Այն տեղակայված է Ստելենբոշ քաղաքի մոտ՝ ոչ հեռու այն կետից, որտեղ հանդիպում են Հնդկական և Ատլանտյան օվկիանոսները: Kumala գինիները ներկայացված են աշխարհի ավելի քան 40 երկրներում և հատկապես հայտնի ու սիրված են Մեծ Բրիտանիայում: