Three Cents ընկերությունը հիմնադրվել է 2014թ., երբ հույն բարմեններ Ջորջ Բագոսը, Դիմիտրիս Բաֆոպուլոսը, Ջորջ Ցիրիկոսը հանդիպեցին Granikal ներմուծող ընկերության հիմնադիր Վասիլիս Կալանցիսին: Նրանք որոշեցին ստեղծել նոր ըմպելիք: Որոշակի ուսումնասիրություններից, հետազոտություններից հետո բարմենները սկսեցին հետաքրքրվել գազավորված, պղպջակավոր խմիչքներով: Three Cents անվանումը կապված է 19-րդ դարավերջի Մեծ ճգնաժամի հետ, երբ Ամերիկայում հայտնվեցին, այսպես կոչված, «սոդայի բարեր»: Այս փուլը և երևույթը բնորոշվում են որպես "soda fountain culture" (սոդայի շատրվանների մշակույթ): Մարդիկ ընդամենը երկու սենտով գնում էին հասարակ գազավորված ջուր (Two cents plain): Երբ զանգվածին ավելացվում էր բալի, վանիլի օշարակ (մրգահյութ), արժեքը դառնում էր երեք սենտ (Three Cents): Համադրելով աղբյուրի բարձրորակ ջուրը միայն բնական բաղադրիչների հետ՝ Three Cents ընկերությունն այսօր արտադրում է բարձր վարկանիշ ունեցող խմիչքներ շաքարի ցածր պարունակությամբ և առանց արհեստական գունավորման, որոնք կարելի է օգտագործել որպես զովացուցիչ ըմպելիք կամ օգտագործել կոկտեյլների, long drink-ների բաղադրության մեջ: 2016 թվականից սկած Three Cents-ը պարբերաբար ընդգրկվել է “Drinks International”բրիտանական ամսագրի ամենաշատ վաճառվող ապրանքանիշների, ինչպես նաև թրենդային բրենդների ցանկում: Three Cents Aegean Tonic-ը հեղինակավոր Spirits Business ամսագրի կողմից ստացել է Master Medal: Ստեղծման օրվանից երկու տարի անց ընկերության տեսականին արտահանվել է ավելի քան 20 երկրներ: