Բրենդին մուգ սաթագույն է՝ ոսկյա երանգներով։ Ունի մուսկատի և հյութեղ նարնջի բավականին արտահայտիչ բույր: Համային ելևէջները տաք են, փոքր-ինչ կծու՝ սև չամիչի, մեղրի և չորացրած ծաղիկների նրբերանգներով, որոնք հաղորդում են թավշյա հետհամ։

Լավ համադրվում է վանիլային քաղցրավենիքի և ցիտրուսային մրգերի հետ։  

Խորհուրդ է տրվում ըմպել ինքն իրենով կամ համադրել սառույցի, տոնիկի հետ, ինչպես նաև օգտագործել որպես կոկտեյլի բաղադրիչ։ 

Բրենդին պատրաստվում է Հունաստանի տարբեր շրջաններում աճող չորացրած խաղողի մի քանի տեսակների թորումից։

Հնացման ժամանակահատվածը 1 տարի է․ թորված խաղողի սպիրտը պահվում է ֆրանսիական (լիմուզենյան) կաղնու տակառներում, որից հետո բրենդին, խառնվելով միջերկրածովյան բույսերից ստացված էքստրակտի հետ, ենթարկվում է հավելյալ հնացման։

Metaxa-ն Հունաստանի ամենահայտնի բրենդիներից է: Խմիչքի բաղադրատոմսը մինչ օրս գաղտնի է պահվում, իսկ շշի դիզայնը ոգենշնչված է Հին Հունաստանի դասական ճարտարապետությունից։

Metaxa ընկերությունը հիմնադրվել է 1888 թվականին Սպիրոս Մետաքսայի կողմից։ Այս բրենդին համարվում է Հունաստանի լավագույն ոգելից խմիչքներից մեկը: Բրենդի հիմնադիրը նպատակ էր հետապնդում ստեղծել խմիչք, որը կառանձնանար իր բարձր հագեցվածությամբ և նուրբ համով։ Metaxa ընկերության բրենդիի հիմքում 3 տեսակի գինիներից թորված սպիրտն է, որը 3-30 տարի հնացվում է ֆրանսիական լիմուզենյան կաղնու տակառներում։ Այսօր Metaxa-ն համաշխարհային խմիչքների թոփ 50-ում է և Duty Free-ում վաճառվող Nº1 խմիչքն է: