Բրենդին աչքի է ընկնում վառ արտահայտված ոսկեգույն և սաթագույն երանգներով։ Բույրը փոքր-ինչ դառնավուն է՝ նարնջի, վարդի թերթիկների, վանիլի, մեղրի և հասած ծիրանի նրբերանգներով։ Հարուստ համում նկատվում են դեղձի, ծիրանի, թարմ թխած բրիոշի և չամիչի անմահական նոտաներ։ Հետհամը երկարատև է՝ նուշի և կաղնու ելևէջներով։

Բրենդին հիանալի համադրվում է հունական ոճով պատրաստված մսային կերակուրների և ֆետա պանրի հետ։

Կարելի է ըմպել ինքն իրենով կամ սառույցով, տոնիկի հետ, ինչպես նաև օգտագործել որպես կոկտեյլի բաղադրիչ։

Բրենդին պատրաստվում է Հունաստանի տարբեր շրջաններում աճող չորացրած խաղողի մի քանի տեսակների թորումից։

Թորված խաղողի սպիրտը 1 տարի հնացվում է ֆրանսիական (լիմուզենյան) կաղնփեփայտե տակառներում, որից հետո բրենդին խառնվելով միջերկրածովյան բույսերից ստացված էքստրակտի հետ, ենթարկվում է հավելյալ հնացման։ 

Metaxa-ն Հունաստանի թերևս ամենահայտնի բրենդիներից է: Խմիչքի բաղադրատոմսը մինչ օրս գաղտնի է պահվում, իսկ շշի դիզայնը ոգենշնչված է Հին Հունաստանի դասական ճարտարապետությունից։

Metaxa ընկերությունը հիմնադրվել է 1888 թվականին Սպիրոս Մետաքսայի կողմից։ Այս բրենդին համարվում է Հունաստանի լավագույն ոգելից խմիչքներից մեկը: Բրենդի հիմնադիրը նպատակ էր հետապնդում ստեղծել խմիչք, որը կառանձնանար իր բարձր հագեցվածությամբ և նուրբ համով։ Metaxa ընկերության բրենդիի հիմքում 3 տեսակի գինիներից թորված սպիրտն է, որը 3-30 տարի հնացվում է ֆրանսիական լիմուզենյան կաղնու տակառներում։ Այսօր Metaxa-ն համաշխարհային խմիչքների թոփ 50-ում է և Duty Free-ում վաճառվող Nº1 խմիչքն է: Իմանալ ավելին