Պիսկոն ունի կոնյակի գույնը: Բույրում հաճելիորեն համադրվում են փայտային և քաղցր մրգային նոտաները, որոնք լրացվում են նուրբ ծաղկային երանգներով: Pisco-ն ունի հիանալի հավասարակշռված համ՝ թեթև կաղնային, մրգային նրբերանգներով և երկար պարուրող հետհամով:

Կարելի է ըմպել ինքն իրենով կամ օգտագործել որպես կոկտեյլի բաղադրիչ:

Հիանալի համադրվում է պերուական ոճի սևիչե ուտեստի և ծովամթերքի հետ:

Pisco Capel Reservado-ի պատրաստման հիմքում ընկած են մուսկատային խաղողները և Կոկիմբոյի սարերի աղբյուրի ջուրը: Խաղողն աճում է գիշերային և ցերեկային ջերմաստիճանների տատանումների պայմաններում, ինչը նպաստում է հատապտուղների մեջ պոլիֆենոլների կուտակմանը՝ հաղորդելով նուրբ և քաղցր համ: Pisco-ն ստանում  են կրկնակի թորման միջոցով:

24 ամիս հնացում կաղնու տակառներում:

«Pisco Capel Reservado»-ն հասանելի է ինչպես դասական շշով, այնպես էլ Զատկի կղզու «Մոաի» արձանի տեսքով մուգ կանաչ ապակուց, որը պահանջված է հատկապես միջազգային վաճառքի համար։ Բացի այդ, նման շիշը հատուկ ուշադրության է արժանացել 2000 թվականին Փարիզում անցկացվող միջազգային ցուցահանդեսում, որտեղ արժանացել է ոսկե մեդալի։

Capel ապրանքանիշը հիմնադրվել է 1964 թ․ և հանդիսանում է Չիլիի խմիչք արտադրող առաջատար ընկերություններից մեկը։ Pisco-ն բրենդի ամենահայտնի խմիչքներից մեկն է ամբողջ աշխարհում: Հիմնական խաղողի այգիները գտնվում են էկոլոգիապես մաքուր Էլկա հովտում, որը թույլ է տալիս աճեցնել խաղող առանց որևէ քիմիական հավելումների: Ընկերութայնն են պատկանում ազգային կարևորության մի շարք խմիչքների ապրանքանիշներ: