Տեկիլա Լոս Առանգո Ռեպոսադո

Տեկիլան բաց սաթագույն է` պղնձագույն արտացոլանքով։ Բարդ ու հագեցած բույրը հարուստ է եփած ագավայի և մրգային չրերի տաք նոտաներով, կարամելի և համեմունքների նրբերանգներով: Կլոր, փափուկ և ներդաշնակ համն առանձնանում է իր յուրահատուկ տեքստուրայով, քաղցր գուավայի, վանիլի, մեղրի, դարչինի, կարամելի և համեմունքների նոտաներով, իսկ կծվոտ մրգային երանգները լրացվում են կոնյակի, փայտի նուրբ, աղի նրբերանգներով: Հետհամը երկարատև է, մի փոքր կծու, փայտային ակնարկով:

Խորհուրդ է տրվում վայելել ինքն իրենով՝ առանց հավելումների։

Los Arango Reposado-ն ուլտրա պրեմիում դասի տեկիլա է, որը պատրաստված է 100% կապույտ վեբեր ագավայից և հնացվում է 6 ամիս ամերիկյան կաղնեփայտե տակառներում: Յուրաքանչյուր փոքր խմբաքանակ շշալցված է կաշվե և փայտե դետալներով ձեռագործ շշերի մեջ:

Տեկիլա Los Arango-ն իր անվանումը ստացել է Մեքսիկայի ազգային հերոս՝ հեղափոխական և անկախության մարտիկ Խոսե Դորոտեո Արանգո Արամուլայի պատվին, որը հայտնի է «Պանչո Վիլլա» մականունով։ Խմիչքը  վաճառվում է օրիգինալ ձեռագործ քառակուսի շշերով ու կաշվե արտասովոր պիտակով, որի վրա դաջված է խմիչքի իսկությունն ապահավող յուրահատուկ համար։  

Los Arango տեկիլան նվաճել է հինգ ոսկե և մեկ արծաթե մեդալ։