Bruichladdich ընկերությունը հիմնադրվել է 1881 թվականին Այլա կղզում: Իր դարավոր պատմության ընթացքում վերապրել է մի շարք վերելքներ և անկումներ, սակայն 2001թ, երբ Ջիմ Մքէվանը և մի քանի ներդրողներ գնեցին գործարանը, այն կրկին վերգտավ երբեմնի հզորությունը: Գործարանի սեփականատերերը հրաժարվեցին վիսկիի պատրաստման մեջ օգտագործել կարամել և սառը ֆիլտրացիա, բարձրացրին խմիչքի թնդությունը մինչև 46% և ավանդական բաղադրատոմսի հիման վրա ստեղծեցին բացառիկ վիսկի: Բացի այդ նոր սեփականատերերը մշակեցին շշի փաթեթավորման նոր դիզայն: Անփոփոխ մնացին միայն թորման և հնացման մեթոդներն ու տեխնիկական միջոցները: Ժամանակ առ ժամանակ վիսկիի հնացման տակառները դուրս են հանում ծովի ափ, որի ընթացքում վիսկին սնուցվում է ծովի բուրմունքով: