Piper-Heidsieck լեգենդար շամպայնի տունը հիմնադրվել է 1785 Ֆլորենս Լուի Հայդսիքի կողմից։  1800 թ․ Ֆլորենս-Լուիին միացավ նրա զարմիկը՝ Քրիստիանը, իսկ 1815 թ․-ին ՝ Անրի-Գիյոմ Պայպերը։ 1828թ․ հիմնադրի մահից հետո ընկերությունը գլխավորեց Քրիստիան Հայդսիքը, իսկ Անրի-Գիյոմը սկսեց ճանապարհորդել աշխարհով մեկ՝ որպես հիանալի շամպայնի վաճառող։ Փայփերի շնորհիվ Heidsieck շամպայնի տունը դարձավ 14 թագավորական և կայսերական տների (ներառյալ Սիամը՝ ներկայիս Թաիլանդը, և Չինաստանը) պաշտոնական մատակարարը: Եվ քանի որ այս երկու անունները՝ Փայփեր և Հայդսիքը, այլևս հնարավոր չէր առանձնացնել, առաջացավ նոր՝ Piper-Heidsieck բրենդը։ Piper-Heidsieck-ը շատ հարուստ պատմություն ունի և միշտ համարվել է ոճի և շքեղության խորհրդանիշ: Ընկերությունը համագործակցել է Ռուսատանի կայսեր անձնական ոսկերիչ Կառլ Ֆաբերժեի, ինչպես նաև աշխարհահռչակ դիզայներներ Ժան Պոլ Գոտյեի և Քրիստիան Լաբուտինի հետ բավականին հաջողված համագործակցություններով։Այս բրենդը համարվում է նաև կինոաշխարհի ամեհայտնի շամպայններից․ 1993 թ-ից այն Կաննի կինոփառատոնի պաշտոնական մատակարարն է, իսկ Օսկարի մրցանակաբաշխության ժամանակ հայտնի աստղերը խմում են հենց այս շամպայնը։ Piper-Heidsieck-ը նաև Մերիլին Մոնրոյի սիրելի շամպայնն էր։ 1980-ականների վերջին Piper-Heidsieck-ը դարձավ Remy Cointreau գինու և ըմպելիքների խմբի անդամ։ Այսօր Piper-Heidsieck-ը պատկանում է Européenne de Participation Industrielle հոլդինգին: