Փայփեր Հայդսիք Կյուվե Բրյուտ Կոդ Ռուժ Էդիշն

Շամպայնն ունի բաց ծղոտագույն երանգ։ Բույրում զգալի են նշի և պնդուկի նոտաներ: Համը նուրբ է ու թեթև՝ թարմ տանձի, խնձորի և ցիտրուսային մրգերի մեղմ երանգներով ու վառ, հյութեղ պոմելոյի, խաղողի և սպիտակ մրգերի ներդաշնակ համադրությամբ։

Իդեալական ապերիտիվ է, կարող է մատուցվել նաև սիբասի, նեխուրի և ոչ շատ համեմված կերակրատեսակների և աղանդերի հետ:

Piper-Heidsieck Brut-ը համատեղում է խաղողի 60 տարբեր բերքահավաքներ՝ Շամպայնի տարածաշրջանի բազմազանությունը կատարելապես ներկայացնելու համար: Դրանցից մոտ 50-ը հավաքվում, վերամշակվում և խմորվում են առանձին` յուրաքանչյուր սորտի բնորոշ համը պահպանելու համար: Այս շամպայնը «Օսկար» մրցանակաբաշխություն, Կաննի կինոփառատոնի և կինոինդուստրիայի այլ կարևոր իրադարձությունների անբաժանելի մասն է: Piper-Heidsieck-ը նաև եղել է լեգենդար հոլիվուդյան աստղ Մերիլին Մոնրոյի սիրված շամպայնը:

Piper-Heidsieck շամպայնի տունը հարուստ պատմություն ունի և միշտ համարվել է ոճի և շքեղության խորհրդանիշ: Դեռևս 1785 թվականին հիմնադրված ընկերությունը հայտնի է ճանաչված դիզայներների հետ իր համագործակցությամբ և աշխարհի խոշոր կինոփառատոների անփոխարինելի մասն է: Piper-Heidsieck շամպայնները մրցանակների են արժանացել International Wine & Spirits Challenge, Mondial de Bruxeles, Mundus Vini և այլ մրցույթներում։