Փայփեր Հայդսիք Էսենշիել Բլան դը Բլան

Շամպայնը բաց ծղոտագույն է՝ նուրբ մարգարտե արտացոլանքով։ Շքեղ բույրը հարուստ է խնձորի, փշահաղարջի, մեղրի, կոճապղպեղի, նուշի և մեղրի նոտաներով: Թարմ ու բարդ համում զգալի են մանդարինի, թուրինջի, նշի և խոտաբույսերի նրբերանգներ։ Հետհամը երկար է ու հարուստ:

Կարելի է մատուցել սպիտակ մսի, ինչպես նաև աղցանների և աղանդերի հետ։

Շամպայնի համար օգտագործվում է միայն հատուկ այգիներից ընտրված Շարդոնե խաղողի սորտը, ինչը խմիչքին հաղորդում է անհրաժեշտ նրբագեղություն, կառուցվածք և մրգային համ: Կուպաժի մեջ 35%-ը հնացված շամպայններ են։

Հնացումը նստվածքի վրա տևում է 36 ամիս։

«Blanc de Blancs» ֆրանսերենից բառացի թարգմանած նշանակում է «Սպիտակից սպիտակ»: Այսինքն, այս շքեղ շամպայնը ստանալու համար օգտագործվել է միմիայն սպիտակ խաղող՝ Շարդոնե:

Piper-Heidsieck շամպայնի տունը հարուստ պատմություն ունի և միշտ համարվել է ոճի և շքեղության խորհրդանիշ: Դեռևս 1785 թվականին հիմնադրված ընկերությունը հայտնի է ճանաչված դիզայներների հետ իր համագործակցությամբ և աշխարհի խոշոր կինոփառատոների անփոխարինելի մասն է: Piper-Heidsieck շամպայնները մրցանակների են արժանացել International Wine & Spirits Challenge, Mondial de Bruxeles, Mundus Vini և այլ մրցույթներում։