Դոն Ֆուլանո Ռեպոսադո

Թափանցիկ, դեղնավուն արտացոլանքով այս տեկիլայի բույրի մեջ զգալի են համեմունքների, ծաղիկների, ցիտրուսային մրգերի (կիտրոնի) և կաշվի նոտաներ: Կարամելի, թխկու օշարակի և վանիլի հագեցած համային նրբերանգներն էլ ավելի են ընդգծում ֆրանսիական կաղնեփայտի ազդեցությունը։ Հետհամում կրկին զգացվում է կաղնեփայտի ազդեցությունը, որտեղ ագավայի կծու երանգներն անմիջապես վերածվում են վանիլայինի։

Խորհուրդ է տրվում խմել ինքն իրենով կամ օգտագործել որպես կոկտեյլների բաղադրիչ:

Թորումից հետո տեկիլան հնացվում է 8-11 ամիս ֆրանսիական կաղնեփայտե տակառներում, ինչը խմիչքին հաղորդում է կատարյալ հավասարակշռություն ագավայի նոտաների և կաղնեփայտի երանգների միջև:

«Don Fulano» Reposado-ն հասուն լեռնային ագավայի և ֆրանսիական Limousin կաղնեփայտի կատարյալ ներդաշնակությունն է: Հասած ագավան խմորվում է 72-ից 96 ժամ բաց տարածությունում: 

1990թ.-ին Ֆոնսեկա ընտանիքը ժառանգեց ագավայի այգիներ: Դոն Էնրիկե Ֆոնսեկան որոշեց արտադրել իր սեփական տեկիլան և գնեց La Tequileña թորման գործարանը, որը գտնվում էր Տեկիլայի հովտում: Նա ապրանքանիշն անվանեց «Դոն Ֆուլանո»

Don Fulano-ն Ֆոնսեկա ընտանիքի հինգ սերունդների ժառանգությունն է, ովքեր այժմ իրենց 100% ագավայի տեկիլան արտադրում են հանրահայտ La Tequilena թորման գործարանում, որը ավելի քան հարյուր տարվա պատմություն ունի: Don Fulano-ն ստեղծվել է 2000-ական թթ-ին վարպետ թորող/բլենդեր Էնրիկե Ֆոնսեկայի և Սերխիո Մենդոզայի կողմից: Այն պատրաստվում է բացառապես երեք բաղադրիչներից՝ հատընտիր Մադուրո և Պինտո ագավաներից, խմորիչից և բնական ջրից՝ չզտված ու առանց հավելումների: