9,900 ֏

Բյուրեղյա, թափանցիկ այս ջինի բույրում զգալի են նարնջի կեղևի, լայմի և խոտաբույսերի նրբերանգներ: Քաղցրա-կծու համը հարուստ է ցիտրուսային մրգերի, համեմունքների և գիհու նոտաներով:

Ջինն իդեալական է որպես կոկտեյլի բաղադրիչ: Կարելի է ըմպել նաև ինքն իրենով՝ որպես ապերիտիվ կամ դիժեստիվ:

Ջինի արտադրության համար օգտագործվող հատընտիր հացահատիկը թորվում է ավանդական մեթոդով, իսկ գիհիու հատապտուղները, համեմը, հրեշտակախոտն ու նարնջի կեղևը մի քանի ժամ թրմվում են սպիրտի մեջ։ Թորումից հետո ալկոհոլի աստիճանը նվազեցնում են՝ ավելացնելով մաքուր ջուր, ապա զտում ջինը սառը վիճակում և շշալցնում։

Gibson's-ը ԵՄ երկրներում ամենաճանաչված ջիներից մեկն է և արտահանվում է ավելի քան 50 երկիր:

«La Martiniquaise»-ը (La Martiniquez) միջազգային ընկերություն է, որը հիմնադրվել է 1934 թվականին Ֆրանսիայում։ Ընկերության հիմնադիր Ժան-Պիեռ Կայարը իր գործունեությունը սկսել է ռոմի ներմուծմամբ և տարածմամբ։1950-ականների կեսերին նա կարողացավ ընդլայնել իր ընկերության տեսականին՝ ստեղծելով ալկոհոլային խմիչքների արտադրության մի շարք ձեռնարկություններ։ Մինչեւ 2001 թվականը «La Martiniquaise»-ը արդեն գրավել էր երկրորդ տեղը ֆրանսիական ալկոհոլային խմիչքների շուկայում: Նրա տարեկան շրջանառությունը գնահատվում է 460 մլն եվրո։ Ընկերությունը տարեկան արտադրում է մոտ 150 միլիոն շիշ ալկոհոլային խմիչք,որոնցից քառորդ մասն արտահանվում է աշխարհի շուրջ 110 երկիր։