Barrister B47 Bartender's Edition նոր թողարկման դիզայնն արտացոլում է բարային մշակույթի ոգին և ոճը, իսկ շշի ձևը, որը տարբերվում է Barrister-ի սովորական քառակուսի շշից, հարմար կլինի ոչ միայն բարմենի ամենօրյա աշխատանքի համար, այլ նաև ֆլեյրինգի համար (կոկտեյլների պատրաստում՝ ժոնգլյորության տարրերի օգտագործմամբ):

Barrister B47 Bartender's Edition-ը ստեղծվել է լավագույն հացահատիկային սպիրտի հիման վրա՝ վարպետորեն ընտրված բուսական բաղադրիչների համադրությամբ: Բարձրագույն որակի ըմպելիքը՝ յուրահատուկ մեղմ համով, գիհու հատապտղի բարդ բույրով և համեմունքների դասական ջինային բուկետով, կդառնա իդեալական հիմք հայտնի կոկտեյլների համար՝ դասական ջին-տոնիկից մինչև ավելի բարդ Նեգրոնի, Գիմլետ և շատ ուրիշներ:

Barrister B47 նոր ջինի՝ 47% ալկոհոլային աստիճանով, ստեղծման գաղափարը ծնվել է բարմենների համայնքի պահանջից, որը մեծապես որոշում է ջինի սպառման մշակույթը: Այս թողարկման մեջ հաշվի են առնվել բարային արդյունաբերության գործընկերների բոլոր ցանկությունները՝ շշի ձևից մինչև կատարյալ ջինի դասական թնդությունը: Մինչդեռ ջիների մեծամասնության թնդությունը 37.5-40% մակարդակի վրա է, Barrister B47-ի թնդությունը թույլ է տալիս ստեղծել ջինի դասական կոկտեյլներ՝ արդյունքում ստանալով ըմպելիքի համար հարմար թնդություն:

Barrister ջինը Ladoga ընկերության հայտնի բրենդներից մեկն է։ Երբ նոր ապրանքանիշի անունը քննարկվում էր Լոնդոնի Baker Street-ում, ընտրությունը կանգ առավ հենց "barrister" բառի վրա, քանի որ այն լավագույնս արտացոլում է իսկական ջինի՝ սառը, ինչպես պողպատը (as cold as steel) նշանակությունը` սառը հետհամի շնորհիվ: Ladoga ընկերությունը հիմնադրվել է 1995թ․ Սանկտ Պետերբուրգում: Բարձրորակ արտադրանքի շնորհիվ ընկերության արտադրանքը տեղական և միջազգային մրցույթներում պարբերաբար նվաճում է առաջին պատվավոր հորիզոնականները: