Ռոմը սաթագույն է՝ ռուբինագույն երանգներով: Նուրբ, փափուկ բույրն արտահայտված է կարամելի, քաղցր վանիլի և սալորաչրի նոտաներով: Քիմքին հավասարակշռված է, փափուկ, մետաքսյա՝ երկարատև, համեմունքային հետհամով:

Ռոմը կարելի է ըմպել ինքն իրենով կամ մի փոքր սառույցով։ Լավ կուբայական սիգարը կարող է հաճելի հավելում լինել:

Ռոմի առանձնահատկությունը հնացումն է ամերիկյան բուրբոն տակառներում «սոլերա» մեթոդով ։ Խառնուրդի ամենաերիտասարդ սպիրտը 15 տարեկան է, սակայն կուպաժը պարունակում է նաև մի քանի տասնամյակ առաջ թորած սպիրտներ:

Խմիչքն արտադրվում է գաղտնի բաղադրատոմսով, որն ավելի քան 130 տարի փոխանցվում է սերնդեսերունդ: 

«Matusalem» Gran Reserva-ն իր բարձր որակի շնորհիվ արդեն իսկ 1881 թվականին վաստակել է պլատինե, իսկ 1904 և 1911 թվականներին ոսկե մեդալներ, որոնք պատկերված են պիտակի վրա:

Matusalem ռոմի պատմությունը սկսվում է 19-րդ դարի 70-ական թվականներից, երբ Էդուարդո և Բենջամին Կամպեր եղբայրները Իսպանիայից նավարկում են Կուբա՝ Ազատություն կղզում ռոմի արտադրությամբ զբաղվելու համար։ Առաջին Մատուսալեմ ռոմը արտադրվեց 1872 թվականին։ Այն իր անունը պարտական ​​է իսպանական աֆորիզմին՝ «Esto es mas viejo que Matusalem», որը նշանակում է «Սա ավելի հին է, քան Մետուսալեմը», որը վերաբերում է առաքյալին, ով ապրել է 969 տարի։  Միաժամանակ ապրանքանիշի խորհրդանիշը՝ ճախրող ծիծեռնակը, նախատեսված էր արտացոլել Կուբայի ժողովրդի ազատատենչ ոգին։ Այսօր Դոմինիկյան Հանրապետությունում Matusalem ռոմը արտադրվում է 1872 թվականի օրիգինալ բաղադրատոմսով, ինչի մասին վկայում է շշի վրա գրությունը՝ «Formula Original de Cuba»։ Իմանալ ավելին