Վերմուտը կարմրաշագանակագույն է՝ փայլուն նարնջագույն երանգներով: Բարդ և կծու բույրում բուսական երանգները համադրվում են մեղրի, վանիլի, դարչինի և հիլի նոտաների հետ: Հարուստ և ջերմացնող համը ընդգծվում է քաղցրակծու ելևէջներով: Հետհամում զգալի են այրված շաքարի, օշինդրի և ցիտրուսի ակնարկներ:

Խորհուրդ է տրվում օգտագործել վառ կոկտեյլներ պատրաստելու համար (Smashed Carpano, Carpano Spritz, Negroni):

Carpano-ն աշխարհի ամենաառաջին վերմուտն է: Բրենդի պատմությունը սկսվել է դեռևս 1786 թվականին Թուրինում, երբ Անտոնիո Բենեդետո Կարպանոն աշխարհին նվիրեց խմիչքի լրիվ նոր կատեգորիա՝ վերմուտ: Շուտով Անտոնիոն բացեց իր սեփական խմիչքի խանութը, որը, ճակատագրի կամքով, գտնվում էր Արքայական պալատի ուղիղ դիմաց: Վստահ լինելով իր արտադրանքի գրավչության մեջ ՝ Անտոնիոն մի տուփ վերմուտ է ուղարկում Վիտորիո Ամեդեո III թագավորին, ով այնքան է տպավորվում այդ խմիչքի համով, որ անմիջապես հրամայում է Carpano-ն ընդգրկել թագավորական արքունիքի խմիչքների ցանկում: Այսօր Կարպանոն վաճառվում է ողջ աշխարհում, համարվում է կլասիկ իտալական վերմուտի խորհրդանիշ և must have բարձրակարգ բարերի համար:

Fratelli Branca ընկերությունը հիմնադրվել է 1845 թվականին՝ Բերնարդինո և Կարոլինա Բրանկա ամուսինների կողմից: Ընկերությունը ստեղծման պահից մինչ օրս բաց է նորարարությունների համար, սակայն անդավաճան է իր ավանդույթներին և խմիչքի պատրաստման ժամանակ օգտագործում է բացառապես գաղտնի, սերնդեսերունդ փոխանցվող հնագույն բաղադրատոմսեր և բնական հումք։  Իմանալ ավելին