Վերմուտն ունի կարմրա-շագանակագույն երանգ։ Նուրբ բույրում հաճելիորեն համադրվում են  ցիտրուսային մրգերի, մեխակի, դարչինի, մշկընկույզի նոտաները` ռոզմարինի, օրեգանոյի ու վանիլի երանգներով։ Համը հարուստ է ազնվամորու և հապալասի քաղցր ելևէջներով, մրգային ու համեմունքային  տանիններով: Հետհամում զգալի են փոքր ինչ դառնավուն նյուանսներ:

La Copa վերմուտները իդեալական են որպես ապերիտիվ: Կարելի է մատուցել ինքն իրենով՝ կիտրոնի կամ նարնջի շերտով և սառույցով,  ինչպես նաև օգտագործել որպես դասական կամ ժամանակակից կոկտեյլների բաղադրիչ: La Copa-ով պատրաստվող կոկտեյլները ստանում են յուրահատուկ և հետաքրքիր համուհոտ:

Vermouth Rojo La Copa-ի հիմքը Oloroso և Pedro Ximénez տեսակի խերեսներն են, որոնք ավելի քան 8 տարի պահվում են հին մառանում: 

Իսպանական La Copa պրեմիում դասի վերմուտներն արտադրվում են Gonzalez Byass ընկերության կողմից՝ հարավային Անդալուզիայի Jeres de la Frontera շրջանում: Վերմուտներն արտադրվում են խերեսի հիմքով, ինչի շնորհիվ առանձնահատուկ համային բնութագիր ունեն։ La Copa-ի շարքում առկա են ինչպես դասական տարբերակները՝ Rojo, Blanco, Extra Seco, այնպես էլ Reserva հնացված տեսակը:

Գոնսալես Բյասը Իսպանիայի ամենահայտնի ընկերություններից է: Հիմնադրվել է դեռևս 1835 թվականին՝ Մանուել Մարիա Գոնսալես Անխելի կողմից, ում որոշ ժամանակ անց միանում է նրա անգլիացի գործընկեր Ռոբերտ Բլեյք Բյասը: Բիզնեսը հետագայում ընդլայնվեց Գոնսալես ընտանիքի երկրորդ սերնդի կողմից, այդ թվում՝ Մանուել Կրիսպուլո Գոնսալես Սոտոն: Իր 150-ամյակի կապակցությամբ ընկերությունը պարգևատրվել է ոսկե մեդալով, իսկ 2008 թվականին IWSC գինու մրցույթում ճանաչվել է լավագույնը։ Այսօր ընկերության գինիներն արտահանվում են աշխարհի ավելի քան 150 երկրներ։ Իմանալ ավելին