5,500 ֏

Ոսկեգույն գինու ինտենսիվ բույրն արտահայտված է սպիտակ դեղձի, արքայախնձորի, բանանի, ծաղիկների, վայրի խոտաբույսերի, սպիտակ պղպեղի և ծխի նոտաներով: Միջին մարմնեղության է, ճկուն տեքստուրայով՝ հավասարակշռված, թարմացնող թթվայնությամբ և միջին տևողության հետհամով:

Խորհուրդ է տրվում համադրել այծի պանրի, ծովամթերային նախուտեստների հետ՝ միջերկրածովյան և հայկական խոհանոցի ուղեկցությամբ:

Սպիտակ չոր գինին պատրաստվում է Ոսկեհատ սորտից։ Բերքահավաքից, տեսակավորելուց և խմորումից հետո գինին 12 ամիս հնացվում է հայկական կաղնե նոր տակառներում։

12 ամիս հնացում` հայկական նոր կաղնե տակառներում։

«Ոսկեվազի Գինու Գործարան»-ը գտնվում է Արագածոտնի մարզի նույնանուն գյուղում: Զարմանահրաշ գեղեցկությամբ օժտված Հայաստանում ամենաբարձր լեռան` Արագածի  մերձակայքը կրում է իր մեջ հայկական քաղաքակրթության զարգացման նախկին ժամանակաշրջանների շերտերը: Գործարանից ընդամենը մի քանի կիլոմետր հեռավորության վրա, Քասախի կիրճի եզրին, 5-7-րդ դարերում կառուցված «Բադալի Ժամ» եկեղեցու ավերակներն են: Մոտակայքում հայտնաբերվել են հողի մեջ թաղված կարասի մնացորդներ, որոնց մեջ գինի էին պահում:

Ոսկեվազ գինեգործարանը հիմնադրվել է դեռևս 1932 թվականին: Ժամանակակից բոլոր նորարարությունների հետ միասին այն զգուշորեն պահպանել է իր վավերական տարրերի մեծ մասը՝ ներառյալ շենքերը: Այսօր գործարանի տարածքում տարվում են բազմաթիվ շինարարական աշխատանքներ, որպեսզի ստեղծվի նոր, նմանը չունեցող, յուրօրինակ զբոսաշրջային համալիր: Գործարանն իր վերածնունդն ապրեց 2004 թվականին: Այսօր Ոսկեվազը ստեղծում է գինիներ, որոնք արտադրվում են ինչպես ժամանակակից գինեգործական մեթոդներով, այնպես էլ օգտագործելով հին ավանդական կարասները, որոնք ստեղծվել են դեռևս 19-րդ դարավերջին: Պարբերաբար բարելավելով և կատարելագործելով սեփական արտադրության որակը, ինչպես նաև յուրաքանչյուր տարի ընդլայնելով արտադրվող խմիչքի նմուշակազմը` «Ոսկեվազի Գինու Գործարան»-ը կատարում է իր յուրօրինակ ներդրումը գինիների աշխարհում:  Իմանալ ավելին