Մուգ կարմիր գույնի, լավ բալանսավորված ու հարմոնիկ գինի է: Բույրը համեմունքային է՝ կարմիր, հասած հատապտուղների ակնարկներով: Ուժեղ համով ու կլոր տանիններով է: Հարուստ Է, յուղային տեքստուրայով, հասած սալորի, պնդուկի և կարմիր մրգերի նոտաներով: 

Ձեռքով հավաքված խաղողը մանրակրկիտ տեսակավորվում է և մոտավորապես 3 շաբաթ խմորվում չժանգոտվող պողպատե պահամաններում։

36 ամիս հնացում կաղնեփայտե տակառներում: 

Ընդերքը հարուստ է խճաքարով ու կարմիր կավով, վազերի միջին տարիքը 25 տարի է:

1946 թ.-ին ֆրանսիական Ամպյուի հին գյուղակում Էտյեն Գիգալը հիմնեց իր գինու գործարանը, որն այսօր հայտնի է ամբողջ աշխարհում: Էտյենի որդին՝ Մարսել Գիգալը, սկսեց աշխատել և օգնել հորը բավական երիտասարդ տարիքում՝ ի վերջո փոխարինելով տարեց, հանկարծակի կուրացած Էտյենին: E.Guigal ընկերությանն են պատկանում իսկապես եզակի խաղողի այգիներ, դրանցից ամենահինը Ֆրանսիայում տնկվել է ավելի քան 2400 տարի առաջ: