Զուկարդի, «A» Տորոնտես

Գինին ինտենսիվ դեղին է՝ արծաթագույն շեշտադրումներով: Նուրբ բույրն արտահայտված է սպիտակ, ցիտրուսային մրգերի, նարնջի կեղևի ու օրեգանոյի նոտաներով: Քիմքին թարմացնող է, վառ թթվայնությամբ, անուշաբույր ինտենսիվությամբ ու երկարատև հետհամով:

Գինին հիանալի համադրվում է ձկնային ուտեստների և ծովամթերքի հետ:

Բերքահավաքը տեղի է ունենում մարտ ամսվա երկրորդ կեսին, այնուհետև խաղողը խմորվում է խմորիչի վրա 15-18 °C  ջերմաստիճանի ներքո:

Հնացումը տեղի է ունենում 6 ամիս չժանգոտվող պողպատե պահամաններում: 

Zuccardi Series A շարքը ընդգծում է Արգենտինայի միկրոկլիմայի և հողերի հարստությունն ու բազմազանությունը: Series A անվանումը գալիս է «Argentina Series»-ից՝ որպես լավագույն շրջանների ամենաներկայացուցիչ սորտերի արտահայտման միջոց, այդ թվում Անդերի լեռների երկայնքով տարածված հատընտիր խաղողի այգիները:

Zuccardi A շարքի խաղողի այգիները Մենդոզայի տարածաշրջանում են, գտնվում են ծովի մակարդակից 900-1100 մետր բարձրության վրա և ունեն լավագույն կլիմայական պայմանները:

1800 թվականից Արգենտինայում բնակվող Զուկարդիների ընտանիքը միշտ ակտիվորեն ներգրավված է եղել հողերի բարելավման աշխատանքների մեջ: Այսպիսով Դոն Ալբերտո Զուկարդին 1963 թվականին գնում է հողատարածք՝ սկսելու գինու սեփական արտադրությունը և բոլորին ցույց տալու, որ Արգենտինայի չոր հողերը կարող են զարմանալիորեն փափուկ դառնալ անուշաբույր գինիներ արտադրելու համար: Ներկայումս Zuccardi ընտանիքին են պատկանում 170 հեկտար խաղողի այգիներ։ Ընկերության ղեկավարը՝ Խոսե Ալբերտո Զուկարդին, մեծ պատասխանատվությամբ շարունակում է հոր գործը՝ փորձարկելով խաղողի բազմաթիվ, այդ թվում՝ արտասովոր և հազվագյուտ տեսակներ: Ըստ Խոսե Ալբերտոյի՝ լավ խաղողի այգին գինու հետագա հաջողության գրավականն է: