18,400 ֏

Լիկյորը սաթագույն է՝ ոսկեգույն երանգներով: Հարուստ բույրում նկատելի են մրգերի, սպիտակ ծաղիկների, նարնջի ու եթերայուղերի նրբերանգներ: Ունի հիանալի հարթ համ, որտեղ նարնջի երանգների քաղցրությունը կոտրվում է վանիլի և ընկույզի թավշյա նոտաներով:

Լիկյորը կարելի է օգտագործել ինքն իրենով, սառույցով, կոկտեյլներում և լոնգ դրինքներում, ինչպես նաև համադրվում է այնպիսի աղանդերի հետ, ինչպիսիք են դդմով, խնձորով կամ պեկանով կարկանդակները: Այն նաև մեկ բաժակ սուրճը վերածում է համեղ, ջերմացնող ըմպելիքի:

Խմիչքի պատրաստման հիմքում ընկած դառը և քաղցր նարինջներից ստացված սպիրտն անցնում է երկակի թորում պղնձե տարաներում, որից հետո ավելացվում է աղբյուրի ջուր և շաքարային օշարակ։

Cointreau-ն հանրահայտ ֆրանսիական լիկյոր է, որի յուրահատկության գաղտնիքը քաղցր և դառը նարինջների համադրությունն է։ Արտադրվում է Ֆրանսիայում ընտանեկան բաղադրատոմսով։ Դառը նարնջի կեղևը ստանում են Անթիլյան կղզիներից, քաղցրը՝ Բրազիլիայից, Իսպանիայից և Հարավային Ֆրանսիայից։ Կուանտրոն արժանացել է երկակի ոսկե մեդալի "San Francisco World Spirit Competition, 2008"-ի շրջանակներում։

Cointreau լիկյորի պատմությունը սկսվել է դեռևս 1849 թ.-ին, երբ Ադոլֆ և Էդուարդ-Ժան Կուանտրո եղբայրները հիմնեցին իրենց գինեգործարանը։ Լիկյորն առաջին անգամ թողարկվել է Էդուարդ-Ժանի որդու ջանքերով 1875 թվականին։ Ընկերության համար բեկումնային է դառնում Էդուարդ Կուանտրո Կրտսերի ճամփորդությունը Կյուրասաո կղզի, որտեղից նա սկսում է մատակարարել հատընտիր նարինջ ու օգտագործել լիկյորի պատրաստման մեջ։ Այսօր Cointreau լիկյորն առաջատար դիրք է զբաղեցնում լավագույն խմիչքների ցանկերում, վաճառվում է աշխարհի ավելի քան 100 երկրներում և լավագույն կոկտեյլների պատրաստման հիանալի բաղադրիչ է։  Իմանալ ավելին