Կուանտրո Նուար

Լիկյորը ոսկեգույն է՝ սաթագույն երանգներով։ Բուրային փնջում կարելի է որսալ ծաղկային, ցիտրուսային մրգերի ելէևջներ։ Հաճելի համում նարնջի քաղցրությունը ներդաշնակորեն ձուլվում է վանիլի և ընկույզի թավշյա երանգներին։

Հրաշալի համադրվում է մրգային թխվածքների հետ։

Կարելի է ըմպել ինքն իրենով, ինչպես նաև օգտագործել որպես կոկտեյլի բաղադրիչ։

Cointreau Noir-ը համեմատաբար նոր, բարձրակարգ ու անզուգական լիկյոր է, որն իրենից ներկայացնում է Ռեմի Մարտին կոնյակի և Կուանտրո լիկյորի շքեղ համադրություն։ Այն ներկայանում է քառակուսի շշով, սև պիտակով։

Cointreau լիկյորի պատմությունը սկսվել է դեռևս 1849 թ.-ին, երբ Ադոլֆ և Էդուարդ-Ժան Կուանտրո եղբայրները հիմնեցին իրենց գինեգործարանը։ Լիկյորն առաջին անգամ թողարկվել է Էդուարդ-Ժանի որդու ջանքերով 1875 թվականին։ Ընկերության համար բեկումնային է դառնում Էդուարդ Կուանտրո Կրտսերի ճամփորդությունը Կյուրասաո կղզի, որտեղից նա սկսում է մատակարարել հատընտիր նարինջ ու օգտագործել լիկյորի պատրաստման մեջ։ Այսօր Cointreau լիկյորն առաջատար դիրք է զբաղեցնում լավագույն խմիչքների ցանկերում, վաճառվում է աշխարհի ավելի քան 100 երկրներում և լավագույն կոկտեյլների պատրաստման հիանալի բաղադրիչ է։