Տոբագո Գոլդ, Շոկոլադ Ռոմ Քրիմ

Մուգ շագանակագույն լիկյորի ինտենսիվ բույրն արտահայտված է Trinitario կակաոյի նրբերանգներով: Հարուստ, հավասարակշռված համում շոկոլադի երանգներին հաջորդում են կարիբյան համեմունքների և ռոմի նոտաները: Հետհամը սերուցքային է ու երկարատև: Այս լիկյորը կակաոյի, ռոմի և համեմունքների գերազանց համադրություն է:

Կարելի է ըմպել ինքն իրենով, ինչպես նաև օգտագործել որպես բաղադրիչ կոկտեյլներում և դեսերտներում:

Այս համեղ լիկյորը բարձրորակ կակաոյի (Trinitario և Criollo հատիկներ), կարիբյան համեմունքների խառնուրդի, ռոմի և սերուցքային նուրբ շերտի համադրություն է, որի շնորհիվ ստացվում է հաճելի մետաքսանման համ:

Tobago Gold լիկյորները կարիբյան ավանդական կակաոյի և համեմունքների համադրության արդյունք են՝ հիմնված մայաների ու ինկաների գիտելիքների և փորձի վրա: Ընկերությունն օգտագործում է բացառապես կարիբյան ավանդական բաղադրիչներ յուրահատուկ կարիբյան համ ստեղծելու համար, որտեղ ամենակարևորը կակաոն է: Tobago Gold շիշն ունի յուրահատուկ, գերժամանակակից դիզայն, որը կրկին ասոցացվում է Կարիբյան ավազանի գեղեցկության, ուրախության և գույների հետ:

Բազմաթիվ մրցույթներում ոսկե մեդալակիր, այդ թվում՝ World Spirits Competition, Spring Tasting 2022, MicroLiquor Spirit Award և այլն:

Ընկերության հիմնադիրը՝ Lars G.O. Söderström-ը, կարիբյան շոկոլադի մեծ սիրահար էր, ինչն էլ հիմք հանդիսացավ, որ նա աշխարհի առաջատար մասնագետներից սովորեց շոկոլադե սալիկներ պատրաստելու արվեստը: 2019 թվականին Լարսը համադրեց իր 2 սիրելի համերը՝ Կարիբյան ռոմն ու կակաոն կատարյալ ոգելից խմիչք ստանալու համար: Մեկ տարի անց Լարսն ու իր թիմը իր իսկ խոհանոցում բազմաթիվ փորձարկումներից հետո ստեղծեցին մի գերազանց խմիչք՝ Tobago Gold անվանումով՝ օգտագործելով Կարիբյան ավազանի կակաոյի, համեմունքների և ռոմի լավագույն ընտրանին: Tobago Gold ապրանքանիշը հիմնադրվել է 2020 թվականին Տրինիդադ և Տոբագոյում: Այն Կարիբյան կղզիներին բնորոշ գանձ է, որը ստեղծվել է մյուս երկրներին Կարիբյան մշակույթի, համերի և առեղծվածների հետ ծանոթացնելու համար: Այսօր Tobago Gold ընկերությունը գտնվում է Նիդերլանդներում և աշխարհին է ներկայանում իր՝ բազմաթիվ մրցանակներ նվաճած, հիանալի լիկյորներով: Իմանալ ավելին