Գինին նուրբ սաղմոնագույն է՝ մարջանագույն երանգներով ու խաղուն պղպջակներով։ Նուրբ ու  զուսպ բույրը լի է ազնվամորու ու դափնու տերևի ակնարկներով։ Քիմքին հաճելի է, հրաշալի բալանսավորված, լավ կառուցվածքով, երկար հետհամով, զգալի միներալությամբ և արտահայտված փափուկ տանիններով։

Այս փրփրուն գինին ունիվերսալ է գաստրոնոմիկ համադրությունների համար:  Հիանալի է ֆուա-գրայի, թունա ձկան կամ սաղմոնի թարթարի, կարմիր ձկնկիթի, կարպաչոյի, սպիտակ սոուսով պատրատված տավարի մսի ու թարմ ռուկկոլայի հետ։

Փրփրուն գինին արտադրվում է դասական մեթոդով։

Abrau Durso փրփրուն գինիների փառահեղ պատմությունը սկսվել է 1870 թ.-ին, երբ Կայսր Ալեքսանդր II-ի հրամանագրով Աբրաու լճի և Դյուրսո գետակի գեղատեսիլ լանջերին հայտնաբերված բացառիկ տերուարում ֆրանսիացի մասնագետների մասնակցությամբ ստեղծվեց գինեգործական կալվածքը: 20-րդ դարի սկզբին՝ ցարական ժամանակաշրջանում, ընկերության գլխավոր գինեգործն է դառնում աշխարհահռչակ Վիկտոր Դրավինյին (Victor Dravigny), ում օրոք Abrau Durso -ն հասնում է փառքի գագաթնակետին, և դառնում կայսերական սեղանի անբաժան խմիչքը: Այսօր ընկերությունը փրփրուն գինիների վաճառքների ծավալով առաջինն է Ռուսաստանում, ինչը հաստատում է Abrau-Durso-ի անփոփոխ որակն ու համը։ Լեգենդար գինու տունը ոչ միայն պահպանել է իր հարուստ ժառանգությունը, այլև դարձել չափազանց գրավիչ վայր՝ գինեսերների և գաստրոտուրիզմի երկրպագուների համար: Իմանալ ավելին