Փայլուն դեղին երանգներով այս գինու բույրի մեջ զգալի են ակացիաների, տանձի, սեխի և ցիտրուսային մրգերի ակնարկներ: Քիմքին կլորավուն է, հարուստ և, միևնույն ժամանակ, թարմ։

Lավ է համադրվում սպիտակ մսի, ձկան և պանիրների հետ:

Մանրակրկիտ ձեռքով տեսակավորում և խմորում չժանգոտվող պողպատե պահամաններում՝ 18°C ջերմաստիճանում:

12 ամիս հնացում, մասամբ կաղնեփայտե տակառներում:

Ընդերքը հարուստ է կավավազային ու ավազախճային շերտով: Վազերի միջին տարիքը 35 տարի է:

1946 թ.-ին ֆրանսիական Ամպյուի հին գյուղակում Էտյեն Գիգալը հիմնեց իր գինեգործարանը, որն այսօր հայտնի է ամբողջ աշխարհում: Էտյենի որդին՝ Մարսել Գիգալը, սկսեց աշխատել և օգնել հորը բավական երիտասարդ տարիքում՝ ի վերջո փոխարինելով տարեց, հանկարծակի կուրացած Էտյենին: Ընտանեկան բիզնեսում Մարսելը ներդրել է ոչ միայն իր ամբողջ ներուժը, այլև սիրտն ու հոգին: Այսօր ընտանեկան գինեգործության ավանդույթը շարունակում է Մարսելի որդին՝ Ֆիլիպ Գիգալը, ով ընկերությունում զբաղեցնում է գլխավոր էնոլոգի պաշտոնը: E.Guigal ընկերությանն են պատկանում իսկապես եզակի խաղողի այգիներ, դրանցից ամենահինը Ֆրանսիայում տնկվել է ավելի քան 2400 տարի առաջ: