Ոսկեգույն գինու բույրն արտահայտված է անտառային մրգերի՝ մասնավորապես հասած տանձի և սերկևիլի նոտաներով: Քիմքին բալանսավորված է ու հյութալի՝ մրգային երանգներով, բարձր թթվայնությամբ և հաճելի, երկարատև հետհամով:

Գինին լավ համադրվում է խորոված մսի, ձկան, բադի և բանջարեղենի հետ:

Այս գինին պատրաստված է 2020 թ.-ի բերքից՝ ավանդական եղանակով, ինքնաբուխ խմորմամբ՝ առանց կոմերցիոն խմորիչների և սուլֆիտների հավելումների:

Հնացվում է արցախյան կաղնե տակառներում:

Խաղողի այգիները գտնվում են Արմավիրի մարզում, որտեղ գերակշռում են ավազակավային հողերը։

Վանի շրջանում գտնվող Ալյուր գյուղից է սկիզբ առել Մաչանյան ընտանիքի գինու պատրաստման ամենամյա ավանդույթը: Ընկերության ղեկավարն է Սամվել Մաչանյանը՝ կրթությամբ ֆինանսիստ, օրգանական գինեգործության գաղափարների սիրահար։ Ընկերությանը պատկանում է 5 հա հողատարածք, որը գտնվում է ծովի մակարդակից 900 մետր բարձրության վրա։ Իմանալ ավելին