Վառ սաթագույն վիսկիի կծու բույրն արտահայտված է ածիկի, կարամելի, քաղցրավենիքի և համեմունքների երանգներով: Բազմաշերտ համում նկատվում են ծաղիկների, կորիզավոր մրգերի, այրված շաքարավազի և նարնջի կեղևի նոտաներ:

Վիսկին խորհուրդ է տրվում մատուցել որպես դիժեստիվ։

Այս կուպաժը ճապոնական ածիկային վիսկիի լավագույն օրինակն է՝ խառնված այլ երկրների հատընտիր ածիկային վիսկիների հետ:

Հնացումը տեղի է ունենում մայրու տակառներում: Այս ընթացքում վիսկին ձեռք է բերում սանդալի և կանաչ թեյի համային երանգներ: Kamiki-ն աշխարհում առաջին և միակ վիսկին է, որը հնացվում է ճապոնական մայրու տակառներում։

Kamiki-ն ծնվել է Ճապոնիայի հնագույն մայրաքաղաքում՝ Նարայում: Նարան համարվում է Ճապոնիայի հոգևոր կենտրոնը և կոչվում է «Տաճարների քաղաք»։ Տեղի տաճարներից մեկը՝ Օմիվան, արդեն 2000 տարի է հովանավորում է ալկոհոլ արտադրողներին: Այս տաճարը գտնվում է Միվա լեռան ստորոտին, որը հայտնի է որպես «Աստծո լեռ»։ Ոգեշնչված Միվա լեռան հիանալի զեփյուռներից՝ այս վիսկիի ստեղծողները այն անվանել են Kamiki, որտեղ «Kami» նշանակում է «Աստված», իսկ «iki» նշանակում է «շունչ»: Օմիվա տաճարի վանականները օրհնում են Kamiki վիսկիի յուրաքանչյուր խմբաքանակ, իսկ արտադրողը շահույթի մի մասը նվիրաբերում է տաճարի պահպանմանը։

Այս վիսկին արժանացել է մի շարք մրցանակների. 90.5 միավոր - “Jim Murray Whisky Bible, 2020”, 95 միավոր – “Ultimate Spirit Challenge Chairman TROPHY 2018”, Ոսկե մեդալ - “China Wine and Spirits, 2018”, Ոսկե մեդալ – “Global Spirit Awards, 2017”, Ոսկե մեդալ – “San Diego Spirit Festival, 2017”, Արծաթյա մեդալ - “IWSC 2017”, Արծաթյա մեդալ - “WSWA 2017”, Բրոնզե մեդալ – “IWSC  2017”

Yoshino Spirits Co-ն համարվում է բազմապրոֆիլ ներմուծող/արտահանող ճապոնական ընկերություններից մեկը, որը մասնագիտացված է պրեմիում դասի ալկոհոլային խմիչքների ոլորտում: Գլխավոր գրասենյակը գտնվում է Ճապոնիայի Օսակա քաղաքում: Ընկերության պորտֆոլիոն ներառում է լավագույն, միևնույն ժամանակ հազվագյուտ ալկոհոլային խմիչքներ, այդ թվում՝ լիկյոր, վիսկի, ջին, սակե, գինի, փրփրուն գինի և գրապպա: