Գոնզալես Բիաս Ալֆոնսո Օլորոսո

Գույնը՝ ոսկյա սաթագույն։ Բույրի մեջ զգալի են փայտային և չրային երանգներ։ Պալոմինո խաղողից այս խերեսը ստացել է պնդուկի երանգներ, իսկ ամերիկյան կաղնու տակառներից՝ վանիլային նոտաներ։ Համը բալանսավորված է ու հարուստ, երկար, բարդ ու քաղցրավուն հետհամով։ 

Այս խերեսը կարելի է մատուցել թեթև սառեցված՝ 10-ից 12ºC ջերմաստիճանում, սպիտակ գինու բաժակով: Իդեալական է շոգեխաշած, ապխտած մսի, տավարի/սագի կոնսոմեի հետ:

Հնացվում է միջինում 8 տարի, ամերիկյան կաղնու տակառներում՝ ավանդական Սոլերա մեթոդով:

Խերես խաղողի այգիները եզակի են այդ տարածքում: Հողը պարունակում է մինչև 60% կավիճ: Տարածքն ունի յուրահատուկ միկրոկլիմա՝ Ատլանտյան օվկիանոսի և Գվադալկիվիր ու Գվադալետե գետերի ազդեցությամբ։

Gonzalez Byass ընկերությունը հիմնադրվել է 1835 թվականին Մանուել Մարիա Գոնսալես Անխելի կողմից, Իսպանիայի Խերես շրջանում։ 23 տարեկանում նա որոշեց իրեն նվիրել խերեսի և սպիրտային խմիչքների արտադրությանն ու վաճառքին։ 1844 թվականին Տիո Պեպեի խերեսի առաջին տակառներն արտահանվեցին Լոնդոն։ «Տիո Պեպե» անունը հարգանքի տուրք է հիմնադրի հորեղբորը՝ Խոսե Անխելին: Այնուհետև, 1855 թվականին, բրիտանացի դիստրիբյուտոր Ռոբերտ Բլեք Բիասը համագործակցեց ընկերության հետ՝ ամրապնդելու իր բիզնես կապերը Բրիտանիայի հետ, որն այդ ժամանակ խերեսի արտահանման հիմնական շուկան էր: Բիաս և Գոնսալես ընտանիքների միջև առևտրային դաշինքը շարունակվեց մինչև 1988 թվականը, երբ Բիասի ընտանիքը դադարեցրեց բիզնեսը և գինեգործարանը անցավ Մանուել Մարիա Գոնսալեսի անմիջական ժառանգներին: