32,000 ֏

Մուգ նռնագույն գինու հաճելի բույրի մեջ կարելի է զգալ կաղնու, խոտաբույսերի ակնարկներ՝ համեմված սև և կարմիր հատապտուղներով: Համը հյութեղ է՝ կծու և վանիլային նոտաներով: Հետհամը երկարաշունչ է: 

Գինին շատ լավ է համադրվում տարբեր մսային ուտեստների և հնացված պանիրների հետ:  

Խմորումը տեղի է ունենում չժանգոտվող պողպատե պահամաններում՝ 28°C ջերմաստիճանում։

Գինին երկու տարի հնացվում է ֆրանսիական և սլավոնական կաղնու մեծ տակառներում: Շշալցումից հետո գինին առնվազն 12 ամիս հնանում է շշում։

Բնորոշ գծավոր պիտակներով The Stripes գինիների շարքը Fontanafredda-ն ստեղծել է Պիեմոնտից գինիների ամենալայն տեսականին թողարկելու համար: 

Նեբիոլլոյի աճեցման մեջ կարևոր դեր են խաղում հարավային և հարավարևտմյան էքսպոզիցիայով այգիներն ու յուրահատուկ տերուարը։ Խաղողի այգիներում ընդերքը հարուստ է կրաքարով, մոխրագույն մարմարով և ավազով:  

Fontanafredda (իտալերենից թարգմանաբար՝ «սառը աղբյուր») գեղեցիկ անունով ապրանքանիշը ունի ծագման անսովոր ռոմանտիկ պատմություն: Սա իտալացի թագավոր Վիտորիո Էմանուելե Երկրորդի և դքսուհի Ռոզա Միրաֆիորիի սիրո պատմությունն է: Այժմ ընկերությունն արտադրում է Պիեմոնտի լավագույն գինիների լայն տեսականի, որոնք ներառվում են լավագույն ռեստորանների գինու ցուցակներում և պարբերաբար բարձր գնահատականներ ստանում գինու քննադատներից: Միջազգային ճանաչում ունեցող Ռոբերտ Պարկերը Ֆոնտանաֆրեդան անվանում է «Պիեմոնտի գինեգործության մեծ անուններից մեկը»:  Իմանալ ավելին