Լիկյորն ունի փոքր-ինչ մուգ բյուրեղյա երանգներ։ Բույրը հարուստ է ծաղկային նրբերանգներով: Ընդգրկուն, ծաղկային և հավասարակշռված համում զգալի են հասմիկի, հիրիկի, դառը նարնջի, յուզուի և անանուխի թեթև նոտաներ։ Երկարաշունչ հետհամն ունի հաճելի թթվայնություն:

Կարելի է ըմպել օղու կամ տոնիկի հետ։ Հաճելիորեն համադրվում է տապակած կարտոֆիլի, բեկոնի, լոբու, տարատեսակ խորտիկների և ուտեստների հետ:

Muyu Chinotto Nero-ն De Kuyper-ի «ժամանակակից լիկյորների» շարքից է, որը թողարկվում է 2019 թ․-ից։ Խմիչքի հեղինակներն են բարմեններ Ալեքս Կրատենան, Մոնիկա Բերգը և Սիմոնե Կապորալեն։ Muyu անվանումը գալիս է Ամազոնյան տարածաշրջանից․ թարգմանաբար նշանակում է «պտուղ»։  Շարքի 3 լիկյորների հիմքում ընկած են ծաղկաթերթեր, մրգեր, ամազոնյան բույսեր։ Շշի դիզայնն արտացոլում է վայրի բնության հզոր ոգին։

De Kuyper ապրանքանիշը հիմնադրվել է 1695 թվականին Պիտեր դե Կայպերի կողմից, ում սերը թորման ավանդական արհեստի նկատմամբ փոխանցվել է սերնդեսերունդ: Դրա շնորհիվ De Kuyper-ը դարձել է պրեմիում կարգի լիկյորների խոշորագույն արտադրողն աշխարհում։ 1995 թվականին՝ իր 300-ամյակին, De Kuyper-ը թագավորական ճանաչում ստացավ։ Այդ ժամանակից ի վեր թորման արտադրամասը հպարտորեն կրում է «Ռոյալ» տիտղոսը։ Լինելով միջազգային լիկյորի ապրանքանիշ և Նիդերլանդների ամենահին ընտանեկան բիզնեսներից մեկը՝ De Kuyper-ը ներկայացված է աշխարհի ավելի քան 100 երկրներում և տարեկան ապահովում է ավելի քան 40 միլիոն շշի վաճառք: Ընկերությունը նաև «ժողովրդավարեցրեց» կոկտեյլները՝ դրանք հասանելի դարձնելով յուրաքանչյուրին։ Ընկերությունը հանդիսանում է առանցքային դերակատար լիկյորի նորարար կատեգորիա ստեղծելու գործում: Ապրանքանիշը համագործակցում է համաշխարհային կարգի բարմենների հետ, ինչպիսիք են Սալվատորե Կալաբրեզը, Ալեքս Կրատենան, Մոնիկա Բերգը, Սիմոնե Կապորալեն և այլք: