Մուգ սաթագույն, կարամելային երանգով ռոմն ունի չրերի, խաղողի, բալի և սալորի քաղցր բույր: Զգալի են նաև վանիլի, խոնավ փայտի, ընդեղենի ակնարկներ: Նուրբ համը հարուստ է չամչի, սալորաչրի, ընկույզի, շոկոլադի և սուրճի նրբերանգներով, իսկ երկար, մետաքսանման, փոքր ինչ դառը հետհամը լի է կարամելի նոտաներով:

Կարելի է մատուցել որպես ապերիտիվ, դիժեստիվ և կոկտեյլի բաղադրիչ։

Շաքարեղեգի ցողուններից ստացված հյութը խմորվում և թորվում է պողպատե պահամաններում, ինչից հետո թորված սպիրտները տեղափոխվում են Գուանախուատո նահանգի մառան և 12 տարի հնացվում խերեսի կաղնեփայտե տակառներում սոլերա մեթոդով:

El Ron Prohibido  ընկերությունը հիմնադրվել է մի քանի տարի առաջ՝ լեգենդար Habanero ռոմի արտադրությունը վերականգնելու նպատակով: Այն թարգմանաբար նշանակում է «Արգելված ռոմ»: Ըստ պատմական տեղեկությունների՝ XVIII դարում մեծաքանակ իսպանական նավեր էին ժամանում «Նոր Իսպանիա» (Մեքսիկայի հին անվանումը): Որպեսզի նավաստիները դատարկաձեռն տուն չվերադառնային, վերջիններս բեռնում էին նավերը «Chinguirito» ռոմով: Նավարկության ընթացքում խմիչքը ստանում էր փայտի և չրի նրբահամ երանգներ, ինչի արդյունքում այն մեծ ճանաչում ձեռք բերեց Իսպանիայում: Արդյունքում Իսպանիայի թագավոր Ֆիլիպ V Բուրբոնացին համարեց այդ խմիչքի տարածումը ազգային սպառնալիք և արգելանք դրեց «Chinguirito»-ի վրա: Այդ արգելքը հանվեց միայն 100 տարի անց: El Ron Prohibido ընկերությանը հաջողվեց վերականգնել խմիչքի պատրաստման ավանդական մեթոդները: Այն պատրաստում են բարձրակարգ եղեգնյա սպիրտից՝ իսպանական խերեսի տակառներում: