Գինին կարմիր է՝ մանուշակագույն արտացոլանքներով: Գինու ինտենսիվ, կայուն բույրը լի է մրգային նոտաներով ու համեմունքների նուրբ երանգներով։ Համը հաճելի է, հավասարակշռված՝ թավշյա, փափուկ տանիններով և նուշի ընդգծված նոտաներով:

Գինին հիանալի է համադրվում տարբեր նախուտեստների, պաստայի, բանջարեղենի և թեթև մսային ուտեստների հետ։ 

Սեպտեմբերի երկրորդ կեսին հավաքված խաղողը խմորում են չժանգոտվող պողպատե պահամաններում՝ 24-25°C ջերմաստիճանի պայմաններում։

Գինին հնացվում է չժանգոտվող պողպատե պահամաններում։

Բնորոշ գծավոր պիտակներով The Stripes գինիների շարքը Fontanafredda-ն ստեղծել է Պիեմոնտից գինիների ամենալայն տեսականին թողարկելու համար: 

Խաղողի այգիները գտնվում են կրաքարային հողերի վրա՝ արևկող լանջերին, ծովի մակարդակից 240-300 մ բարձրության վրա:

Fontanafredda (իտալերենից թարգմանաբար՝ «սառը աղբյուր») գեղեցիկ անունով ապրանքանիշը, ունի ծագման անսովոր ռոմանտիկ պատմություն: Սա իտալացի թագավոր Վիտորիո Էմանուելե Երկրորդի և դքսուհի Ռոզա Միրաֆիորիի սիրո պատմությունն է: Այժմ ընկերությունն արտադրում է Պիեմոնտի լավագույն գինիների լայն տեսականի, որոնք ներառվում են լավագույն ռեստորանների գինու ցուցակներում և պարբերաբար բարձր գնահատականներ ստանում գինու քննադատներից: Միջազգային ճանաչում ունեցող Ռոբերտ Պարկերը Ֆոնտանաֆրեդան անվանում է «Պիեմոնտի գինեգործության մեծ անուններից մեկը»:  Իմանալ ավելին