Մեսկալը բաց սաթագույն է՝ոսկեգույն երանգներով։  Կծու բույրում ներդաշնակորեն միահյուսվում են ագավայի, ցիտրուսային մրգերի, ընկույզի, խեժի, այրված շաքարի և ծխի նոտաները: Հարուստ համն արտահայտված է կոկոսի, նուշի, պնդուկի, խնձորի և տանձի նրբերանգներով՝ համադրված փայտային-կծու ակնարկներին:

Մեսկալը կարելի է ըմպել ինքն իրենով կամ օգտագործել որպես կոկտեյլների բաղադրիչ։

"Se Busca" Reposado-ն պատրաստվում է Angustifolia սորտի ագավայի հյութից։ Ցողունները եփում են այնքան, մինչև ստացվի քաղցր օշարակ, իսկ տերևներից ստացված հյութը խմորվում է 72 ժամ։ Այնուհետև բոլոր բաղադրիչները խառնվում են և ուղարկվում կրկնակի թորման: Ստացվում է 55% խտությամբ խմիչք, որն աստիճանաբար իջեցվում է մինչև ցանկալի մակարդակի ալկոհոլի պարունակության: 

Հնացում ֆրանսիական կաղնե տակառներում:

Se Busca իսպաներենից թարգմանաբար նշանակում է «փնտրվող»՝  ի պատիվ Մեքսիկայի հեղափոխական խիզախ կանանց, ովքեր ուս ուսի կանգնած տղամարդկանց հետ պայքարում էին նոր սահմանադրության համար: Այս կանայք իրենց ժամանակի օրինազանցներն էին` վաստակելով Ադելիտաս և Սոլդադերաս (զինվորական կանայք) տիտղոսները: Se Busca մեսկալը հարգանքի տուրք է նրանց մարտական ոգուն. ոգի, որն ապացուցում է, որ յուրաքանչյուր հեղափոխության մեջ կա սեր:

SPI Group- ն իր ներկայացուցչությունն ունի աշխարհի ավելի քան 170 երկրների շուկաներում և հանդիսանում է ալկոհոլի դինամիկ զարգացող արտադրողներից մեկը: Հիմնադրվել է 1997 թվականին Յուրի Շեֆլերի կողմից, Լյուքսեմբուրգում: Ընկերության ղեկավարությամբ արտադրվում է ավելի քան 380 ապրանքանիշ: Վերջին տարիներին Stoli Group-ի պորտֆոլիոն ընդլայնվել է Cenote, Bayou® Rum, Se Busca™ Mezcal, Kentucky Owl® Bourbon և այլ բրենդներով: SPI Group-ի առաքելությունն է ստեղծել ալկոհոլային խմիչքների ճանաչված և բարձրակարգ ապրանքանիշների պորտֆոլիո: Ընկերության հիմնական գրասենյակները գտնվում են ԱՄՆ-ում, Չինաստանում, Ֆրանսիայում, Մեծ Բրիտանիայում, Կիպրոսում և Շվեյցարիայում: Արտադրական օբյեկտները տեղակայված են Ռուսաստանում, Լիտվայում, Իտալիայում և Արգենտինայում: Իմանալ ավելին