12,900 ֏

Լիկյորը վառ դեղնաոսկեգույն է՝ բաց կանաչ երանգներով: Քաղցր բույրն արտահայտված է խոտաբույսերի և համեմունքների նրբերանգներով: Քիմքին քաղցր է, հագեցած, կլորավուն՝ անիսոնի, վարդի, խոտաբույսերի նուրբ, փափուկ նոտաներով: Հետհամը խորն է, երկարատև՝ անիսոնի, շաքարի փոշու և խոտաբույսերի նյուանսներով:

Լիկյորը կատարյալ է որպես դիժեստիվ, ինչպես նաև լավ բաղադրիչ է կոկտեյլներ պատրաստելու համար: Հաճախ օգտագործվում է խոհարարության մեջ:

"Galliano" L'Autentico – ն խոտաբույսերից, այլ բույսերից, արմատներից, համեմունքներից և ծաղկի սերմերից պատրաստված կատարյալ հավասարակշռված իտալական լիկյոր է, որը նման է միջնադարյան էլիքսիրի բաղադրատոմսին: "Galliano" լիկյորների արտադրության մեջ են մտնում մոտ 30 խոտաբույսեր, համեմունքներ և բուսական էքստրակտներ, որոնք պարտադիր անցնում են մանրակրկիտ ընտրության և որակի վերահսկման միջով։ Լիկյորի պատրաստման բաղադրատոմսը խիստ գաղտնի է պահվում, սակայն կան որոշ հայտնի բաղադրիչներ՝ միջերկրածովյան անիսոն, գիհի, մանուշակ, աստղային անիսոն, նարդոս, անանուխ, դարչին, վանիլին: "Galliano" լիկյորները պատրաստվում են յուրահատուկ, բարդ տեխնոլոգիայով։ Դրա առանձնահատկությունն այն է, որ բաղադրիչները բաժանվում են խմբերի և թրմվում տարբեր եղանակներով, իսկ հետո խմորվում են առանձին։ Խառնելուց հետո կուպաժին ավելացնում են շաքարի օշարակ և ամենաբարձր մաքրության սպիրտ։

Պատրաստի լիկյորը շշալցվում է միայն որոշ ժամանակ հնացվելուց հետո:

"Galliano" լիկյորը ստեղծվել է հայտնի իտալացի վարպետ թորող Արտուրո Վակկարիի կողմից դեռևս 1896 թվականին Լիվոռնո քաղաքում (Տոսկանա): Այս բուսական լիկյորն անվանվել է այդ ժամանակաշրջանում ազգային հերոս Ջուզեպպե Գալիանոյի պատվին, ով հայտնի է դարձել 1895-1896 թվականների Առաջին իտալա-եթովպական պատերազմում։ Ստեղծելով "Galliano" լիկյորը՝ Արտուրոն ցանկացել է փոխանցել իր երկրի հարստությունը, շքեղությունը, գեղարվեստական ​​փայլն ու զգայականությունը: Ներկայումս Galliano-ի շարքը բաղկացած է հինգ սուպեր պրեմիում լիկյորներից:

''Lucas Bols'' ընկերության պատմությունը սկսվել է դեռևս 1575 թվականին, երբ Բոլսի ընտանիքը ժամանեց Ամստերդամ և հիմնեց գինեգործարան, որն ի սկզբանե կոչվում էր het Lootsje, որտեղ թորում էին լիկյորներ, ինչպես նաև գենեվերներ 1664 թվականից։ Սա մեկնարկային կետն էր, որը դարձավ աշխարհի ամենահին թորած ոգելից խմիչքների ապրանքանիշը: 1652 թվականին ծնվեց Լուկաս Բոլսը։ Նա ազդեցիկ գործարար էր, որն ապրում էր այնպիսի ոսկեդարյան ժամանակաշրջանում, երբ Ամստերդամն աշխարհի խոշոր առևտրային քաղաքն էր: Լուկաս Բոլսին հաջողվեց Bols-ը վերածել միջազգային ապրանքանիշի և ընդլայնել լիկյորների տեսականին: Այսօր Lucas Bols-ը անկախ ընկերություն է, որի ապրանքները վաճառվում են ավելի քան 110 երկրներում, ընկերությանն է պատկանում գուրման կոկտեյլների բաղադրատոմսերի ամենամեծ բազան, որոնցից շատերը պատրաստվում են Bols-ի միջոցով: Իմանալ ավելին