Տեկիլան ոսկեգույն է։ Բույրը համեմունքային է, վանիլի և դարչինի ակնարկներով։ Բարդ ու հարուստ համի մեջ ներդաշնակորեն ձուլվել են համեմունքների, նարնջի, նշի և դառը կակաոյի վառ արտահայտված ելևէջներ։ Չոր ու երկարաշունչ հետհամում զգալի են ցիտրուսային նոտաներ։

Այս տեկիլան խորհուրդ է տրվում օգտագործել բացառապես մաքուր տեսքով։

Արտադրության սկզբնական փուլում ագավայի պտուղները 27 Ժամ եփվում են քարե ջեռոցում։ Ստացված հյութը՝ մոստոն խմորվում է, ապա թորվում կրկնակի թորման մեթոդով: 

Տեկիլան 18 ամիս հասունանում է ամերիկյան կաղնեփայտե տակառներում։

Խմիչքն իր անվանումը ստացել է արտադրության համար պահանջվող ժամերի քանակից՝ ագավայի մշակումից մինչև տեկիլայի վերջնական շշալցումն անցնում է 99000 Ժամ։

Corralejo գործարանը հիմնադրվել է 1755 թվականին Միգել Իդալգոյի կողմից․ նա առաջին մեքսիկացի ձեռներեցն էր, ով դրեց տեկիլայի արտադրության առևտրային հիմքը: 2000թ․ ընկերությունը տեկիլայի շուկայում հեղաշրջում կատարեց՝ ներկայացնելով եռակի թորման տեկիլա։ Իմանալ ավելին