Տեկիլան բաց ոսկեգույն է։ Բուրային փունջն աչքի է ընկնում վանիլային, մրգային և համեմունքային թարմացնող նոտաներով։ Համն ընդգրկուն է՝ վանիլի, մրգերի, խոտաբույսերի և պղպեղի գրավիչ երանգներով։

Խորհուրդ է տրվում մատուցել կծու մեքսիկական նախուտեստների, ավանդական կիտրոնի ու աղի հետ, ինչպես նաև օգտագործել որպես կոկտեյլի բաղադրիչ։

Tiscaz Blanco-ն պատրաստվում է Խալիսկո նահանգում աճող ագավա բույսի դիստիլյատից։ Խմիչքն իր ոսկեգույն երանգը ստացել է շաքարեղեգի կարամելից։

«La Martiniquaise»-ը (La Martiniquez) միջազգային ընկերություն է, որը հիմնադրվել է 1934 թվականին Ֆրանսիայում։ Ընկերության հիմնադիր Ժան-Պիեռ Կայարը իր գործունեությունը սկսել է ռոմի ներմուծմամբ և տարածմամբ։1950-ականների կեսերին նա կարողացավ ընդլայնել իր ընկերության տեսականին՝ ստեղծելով ալկոհոլային խմիչքների արտադրության մի շարք ձեռնարկություններ։ Մինչև 2001 թվականը «La Martiniquaise»-ը արդեն գրավել էր երկրորդ տեղը ֆրանսիական ալկոհոլային խմիչքների շուկայում: Նրա տարեկան շրջանառությունը գնահատվում է 460 մլն եվրո։ Ընկերությունը տարեկան արտադրում է մոտ 150 միլիոն շիշ ալկոհոլային խմիչք,որոնցից քառորդ մասն արտահանվում է աշխարհի շուրջ 110 երկիր։