Վերմուտ Կարպանո Անտիկա Ֆորմուլա

Հարուստ ալ-կարմիր երանգով վերմուտն ունի մեխակի, դարչինի ու վանիլի նոտաներով բույր՝ համադրված չրերի և համեմունքների շեշտադրումներով: Փափուկ և քաղցր համում նկատելի են համեմունքների, մեխակի, դարչինի և վանիլի երանգներ: Համը փափուկ է ու քաղցր՝ համեմունքների, մեխակի, դարչինի և վանիլի նուրբ նոտաներով: Հետհամը նուրբ է ու երկարաշունչ:

Այս վերմուտը սովորաբար մատուցվում է սառը վիճակում որպես ապերիտիվ կամ սննդից հետո՝ որպես դիժեստիվ: Carpano Antica Formula-ն իդեալական է համեղ կոկտեյլներ պատրաստելու համար: Այն առանձնահատուկ համ է հաղորդում հատկապես դասական Americano և Negroni կոկտեյլներին:

Carpano-ն աշխարհի ամենաառաջին վերմուտն է: Բրենդի պատմությունը սկսվել է դեռևս 1786 թվականին Թուրինում, երբ Անտոնիո Բենեդետո Կարպանոն աշխարհին նվիրեց խմիչքի լրիվ նոր կատեգորիա՝ վերմուտ: Շուտով Անտոնիոն բացեց իր սեփական խմիչքի խանութը, որը, ճակատագրի կամքով, գտնվում էր Արքայական պալատի ուղիղ դիմաց: Վստահ լինելով իր արտադրանքի գրավչության մեջ ՝ Անտոնիոն մի տուփ վերմուտ է ուղարկում Վիտորիո Ամեդեո III թագավորին, ով այնքան է տպավորվում այդ խմիչքի համով, որ անմիջապես հրամայում է Carpano-ն ընդգրկել թագավորական արքունիքի խմիչքների ցանկում: Այսօր Կարպանոն վաճառվում է ողջ աշխարհում, համարվում է կլասիկ իտալական վերմուտի խորհրդանիշ և must have բարձրակարգ բարերի համար:

Fratelli Branca ընկերությունը հիմնադրվել է 1845 թվականին՝ Բերնարդինո և Կարոլինա Բրանկա ամուսինների կողմից: Ընկերությունը ստեղծման պահից մինչ օրս բաց է նորարարությունների համար, սակայն անդավաճան է իր ավանդույթներին և խմիչքի պատրաստման ժամանակ օգտագործում է  բացառապես գաղտնի,  սերնդեսերունդ փոխանցվող հնագույն բաղադրատոմսեր և բնական հումք։