Վերմուտ Լա Կոպա Բլանկո

Վերմուտի մաքուր, պարզ ու նուրբ բույրը հարուստ է ցիտրուսային և համեմունքային երանգներով, որտեղ գերակշռում են դարչինի, նարնջի կեղևի և մշկընկույզի ելևէջները: Համում հիանալի համադրվում են բալանսավորված վայրի տերևներն ու կարմիր մրգերը՝ համեղ բալզամիկի նուրբ նոտաներով։ Հետհամում զգալի են նուշի ու երիցուկի հաճելի նյուանսներ:

La Copa վերմուտներն իդեալական են որպես ապերիտիվ: Կարելի է մատուցել ինքն իրենով՝ կիտրոնի կամ նարնջի շերտով և սառույցով, ինչպես նաև օգտագործել որպես դասական կամ ժամանակակից կոկտեյլների բաղադրիչ: La Copa-ով պատրաստվող կոկտեյլները ստանում են յուրահատուկ և հետաքրքիր համուհոտ:

La Copa Blanco-ի հիմքը Ֆինո խերեսն է՝ համեմված գաղտնի բույսերի խառնուրդով:

Իսպանական La Copa պրեմիում դասի վերմուտներն արտադրվում են Gonzalez Byass ընկերության կողմից՝ հարավային Անդալուզիայի Jeres de la Frontera շրջանում: Վերմուտներն արտադրվում են խերեսի հիմքով, ինչի շնորհիվ առանձնահատուկ համային բնութագիր ունեն։ La Copa-ի շարքում առկա են ինչպես դասական տարբերակները՝ Rojo, Blanco, Extra Seco, այնպես էլ Reserva հնացված տեսակը:

Գոնսալես Բյասը Իսպանիայի ամենահայտնի ընկերություններից է: Հիմնադրվել է դեռևս 1835 թվականին՝ Մանուել Մարիա Գոնսալես Անխելի կողմից, ում որոշ ժամանակ անց միանում է նրա անգլիացի գործընկեր Ռոբերտ Բլեյք Բյասը: Բիզնեսը հետագայում ընդլայնվեց Գոնսալես ընտանիքի երկրորդ սերնդի կողմից, այդ թվում՝ Մանուել Կրիսպուլո Գոնսալես Սոտոն: Իր 150-ամյակի կապակցությամբ ընկերությունը պարգևատրվել է ոսկե մեդալով, իսկ 2008 թվականին IWSC գինու մրցույթում ճանաչվել է լավագույնը։ Այսօր ընկերության գինիներն արտահանվում են աշխարհի ավելի քան 150 երկրներ։