Մուգ շագանակագույն բիթերն ունի վառ բույր՝ կակաոյի, ցիտրուսի և համեմունքների նուրբ ելևէջներով: Հարուստ համում կակաոյի, ընկույզի և ծաղկի նոտաները սահուն կերպով վերածվում են բուսական նյունսներով երկարատև հետհամի:

Բիթերը հիանալի բաղադրիչ է տարբեր  կոկտեյլների պատրաստման համար, ինչպես նաև լավ համադրվում է աղանդերի հետ:

Փորձեք փոքր քանակությամբ բիթերն ավելացնել մրգահյութերին, թարմ աղցաններին, պաղպաղակին, սուրճին, նույնիսկ մսի մարինադներին, և ձեզ հաճելիորեն կզարմացնեն քիմքին այդքան սովոր ուտեստների նոր համերն ու բույրերը:

Բիթերի օրիգինալ բաղադրատոմսը պահվում է խիստ գաղտնի, սակայն հայտնի է, որ «Angostura» Cocoa Bitters-ի ստեղծման համար արտադրողն օգտագործել է Trinitario կակաոյի հատիկներ և խոտաբույսերի խառնուրդ, որոնք մանրացվել, խառնվել և թրմվել են 57% ալկոհոլով շուրջ երեք ամիս։ Այնուհետև բիթերը լուծվում է ջրով մինչև 48% ուժգնություն և շշալցվում:

«Angostura» Cocoa Bitters-ը նորույթ է Angostura-ի տեսականու մեջ: Բիթեր, որը ստեղծվել է կրեատիվություն և տարբեր համերի համադրությամբ համարձակ փորձեր ներշնչելու համար: Կան բազմաթիվ լեգենդներ, որոնք բացատրում են, թե ինչու է Angostura bitters-ի պիտակը ավելի մեծ, քան բուն շիշը: Ըստ մի լեգենդի՝ ընկերության երկու աշխատակից գնում են շիշն ու պիտակը պատվիրելու: Երբ վերադառնում են, տեսնում են, որ դրանք չափերով չեն համընկնում, բայց քանի որ արդեն ուշ էր ինչ-որ բան փոխելու համար, որոշում են ամեն ինչ թողնել այնպես, ինչպես կա։ Որոշ ժամանակ անց չափերի այս անհամապատասխանությունը դառնում է Angostura bitters-ի ճանաչելի և բնորոշ հատկանիշը:

Անգոստուրայի պատմությունը սկսվում է բժիշկ Յոհան Գոտլիբ Բենջամին Զիգերտից։ Նա հետաքրքրասեր և սուր մտքով  մի գիտնական էր ով չորս տարի արևադարձային բույսերը ուսումնասիրելուց և վերլուծելուց հետո ստեղծեց յուրահատուկ բուսական բալասան(բիթեր), որը նա անվանեց “Amargo Aromatico”: Նա սկսեց այն օգտագործել բուժական նպատակներով՝ սկզբում ընտանեկան շրջապատում, իսկ հետո՝ հիվանդանոցում։ Իր զարմանալի բուժիչ հատկությունների շնորհիվ բիթերն արագ համբավ ձեռք բերեց սկզբում Անգոստուրայում, իսկ ավելի ուշ՝ ամբողջ աշխարհում:Իմանալ ավելին