16,000 ֏

Գինին մուգ ռուբինագույն է՝ նռնագույն երանգներով: Հարուստ բույրն արտահայտված է կեռասի, հաղարջի, մոշի և կարմիր հատապտուղների նոտաներով: Քիմքին հավասարակշռված է, ներդաշնակ՝ բալի, ելակի, նռան նյուանսներով և միջին տևողության, հատապտղային հետհամով:

Խորհուրդ է տրվում համադրել սթեյքի, խոզապուխտի և պինդ պանիրների հետ:

Ոսկեվազ, Վանականը կարմիր չոր գինի է, որը պատրաստվում է խաղողի երեք սորտերից՝ Հաղթանակից, Կախեթից և Արենիից։ Բերքահավաքից, տեսակավորելուց և խմորումից հետո գինին 12-24 ամիս հնացվում է հայկական նոր կաղնե տակառներում:

12-24 ամիս հնացում հայկական նոր կաղնե տակառներում։

«Ոսկեվազի Գինու Գործարան»-ը գտնվում է Արագածոտնի մարզի նույնանուն գյուղում: Զարմանահրաշ գեղեցկությամբ օժտված Հայաստանում ամենաբարձր լեռան` Արագածի  մերձակայքը կրում է իր մեջ հայկական քաղաքակրթության զարգացման նախկին ժամանակաշրջանների շերտերը: Գործարանից ընդամենը մի քանի կիլոմետր հեռավորության վրա՝ Քասախի կիրճի եզրին, 5-7-րդ դարերում կառուցված «Բադալի Ժամ» եկեղեցու ավերակներն են: Մոտակայքում հայտնաբերվել են հողի մեջ թաղված կարասի մնացորդներ, որոնց մեջ գինի էին պահում:

Ոսկեվազ գինեգործարանը հիմնադրվել է դեռևս 1932 թվականին: Ժամանակակից բոլոր նորարարությունների հետ միասին այն զգուշորեն պահպանել է իր վավերական տարրերի մեծ մասը՝ ներառյալ շենքերը: Այսօր գործարանի տարածքում տարվում են բազմաթիվ շինարարական աշխատանքներ, որպեսզի ստեղծվի նոր, նմանը չունեցող, յուրօրինակ զբոսաշրջային համալիր: Գործարանն իր վերածնունդն ապրեց 2004 թվականին: Այսօր Ոսկեվազը ստեղծում է գինիներ, որոնք արտադրվում են ինչպես ժամանակակից գինեգործական մեթոդներով, այնպես էլ օգտագործելով հին ավանդական կարասները, որոնք ստեղծվել են դեռևս 19-րդ դարավերջին: Պարբերաբար բարելավելով և կատարելագործելով սեփական արտադրության որակը, ինչպես նաև յուրաքանչյուր տարի ընդլայնելով արտադրվող խմիչքի նմուշակազմը` «Ոսկեվազի Գինու Գործարան»-ը կատարում է իր յուրօրինակ ներդրումը գինիների աշխարհում:Իմանալ ավելին