Ապոստոլես Պալո Կորտադո

Մուգ սաթագույն գինու խորը և բարդ բույրը բացահայտում են կարամելի, շաքարեղեգի ու ընդեղենի հետաքրքիր երանգներ: Համը նուրբ է, հագեցած, սահուն և կատարելապես հավասարակշռված` մրգերի, կարամելի, ընկույզների հաճելի նոտաներով: Հետհամը տպավորիչ է ու երկարատև։

Լավ է համադրվում խոզապուխտի, պաշտետների երշիկների և այծի պանրի հետ: Այն նաև իդեալական ապերիտիվ է: Կարելի է առաջարկել ձիթապտղի և նուշի, թխվածքաբլիթների և չրերի հետ: Խորհուրդ է տրվում մատուցել թեթև սառեցված՝ գինու փոքր բաժակով։

Pedro Ximénez խաղողը ենթարկվում է ուժեղ մամլման, այնուհետև խմորվում է, և գինին թնդացվում է մինչև 15%, որից հետո մտնում է Pedro Ximénez Սոլերա։ Մոտ 12 տարի առանձին հնացումից հետո խաղողի երկու տեսակները խառնվում են՝ 87% Palomino և 13% Pedro Ximénez: Այնուհետև այս խառնուրդը մտնում է Apóstoles Սոլերա, որտեղ հնացվում է ևս 18 տարի: Այս ամբողջ գործընթացը վերահսկվում է գինեգործ և կուպաժի վարպետ Անտոնիո Ֆլորեսի կողմից։

Գինին հասունանում է ավելի քան 30 տարի՝ ամերիկյան կաղնեփայտե տակառներում: Վերջին 10 տարին հնանում է Սոլերա մեթոդով:

Gonzales Byass-ի խերեսները համաշխարհային ճանաչում են վայելում և իրենց տեսակով լավագույնն են: Երկարամյա հնացման շնորհիվ՝ անդալուսիական հատընտիր խաղողից պատրաստված այս խմիչքը ստանում է կարմիր փայտի երանգ և հարուստ համ: Հատկանշական է, որ խմորումը տեղի է ունենում 500 լիտրանոց տակառներում, որի ընթացքում խերես խմորիչին ավելացվում է հատուկ համեմունք: Հնացման ժամանակ կիրառվում է վեցաստիճան Solera մեթոդը: Այս 30-ամյա խերեսներն արտացոլում են Gonzalez Byass ընկերության և իսպանական գինեգործական ոլորտի ակտիվ զարգացումը: Խերեսի յուրաքանչյուր շշում զգալի են չամիչի, չրերի և սուրճի  համային հետաքրքիր ելևէջներ, որոնք կպարգևեն անկրկնելի զգացողություններ:

Խերես խաղողի այգիները եզակի են այդ տարածքում: Հողը պարունակում է մինչև 60% կավիճ: Տարածքն ունի յուրահատուկ միկրոկլիմա՝ Ատլանտյան օվկիանոսի և Գվադալկիվիր ու Գվադալետե գետերի ազդեցությամբ։

Decanter 2018 – Gold, Mundus Vini 2018 – Gold, IWC 2017 – Gold 

Gonzalez Byass ընկերությունը հիմնադրվել է 1835 թվականին Մանուել Մարիա Գոնսալես Անխելի կողմից, Իսպանիայի Խերես շրջանում։ 23 տարեկանում նա որոշեց իրեն նվիրել խերեսի և սպիրտային խմիչքների արտադրությանն ու վաճառքին։ 1844 թվականին Տիո Պեպեի խերեսի առաջին տակառներն արտահանվեցին Լոնդոն։ «Տիո Պեպե» անունը հարգանքի տուրք է հիմնադրի հորեղբորը՝ Խոսե Անխելին: Այնուհետև, 1855 թվականին, բրիտանացի դիստրիբյուտոր Ռոբերտ Բլեք Բիասը համագործակցեց ընկերության հետ՝ ամրապնդելու իր բիզնես կապերը Բրիտանիայի հետ, որն այդ ժամանակ խերեսի արտահանման հիմնական շուկան էր: Բիաս և Գոնսալես ընտանիքների միջև առևտրային դաշինքը շարունակվեց մինչև 1988 թվականը, երբ Բիասի ընտանիքը դադարեցրեց բիզնեսը և գինեգործարանը անցավ Մանուել Մարիա Գոնսալեսի անմիջական ժառանգներին: