Վիսկի Թիլինգ Սինգլ Փոթ Սթիլ

Ոսկե - սաթագույն վիսկիի բույրն արտահայտված է սպիտակ խաղողի, գրեյպֆրուտի, ցիտրուսի, հիբիսկուսի և մեղրի ակնարկներով: Կլոր, ներդաշնակ համում զգալի են սպիտակ խաղողի, լորենու, դեղձի, սպիտակ պղպեղի և թխվածքաբլիթի նրբերանգներ։ Երկարատև հետհամը լի է տապակած նուշի, համեմունքների և թխկու օշարակի նոտաներով:

Կարելի է ըմպել ինքն իրենով, ինչպես նաև զուգակցել սիգարի հետ։ 

Teeling Single Pot Still վիսկին թորարանի վերագործարկումից հետո արտադրված առաջին խմիչքն է։ Պատրաստման հիմքում ընկած է 50% ոչ ածիկային և 50% ածիկային գարի: Վիսկիի սպիրտը թորել են 2015 թ․ և հնացրել նոր կաղնու, գինու և բուրբոնի տակառներում։ Վիսկիից արտադրվել է ընդամենը  6000 շիշ։

Իռլանդական վիսկիի պատմությունն աշխարհում ամենաարագ զարգացողն է։ Իռլանդիայի կլիման, մշակույթը և պատմությունը իդեալական են համաշխարհային դասի վիսկի ստեղծելու համար: Ջեք Թիլինգը (Cooley Distillery-ի նախկին գործադիր տնօրեն) հիմնադրել է Teeling Irish Whiskey-ն 2012 թվականին։ Ջեքի ընտանիքը վիսկիի արտադրությամբ սկսել է զբաղվել դեռևս 1782 թվականից։ Ջեքը շարունակում էր Teelings-ի ձեռնարկատիրական ոգու պատմությունը և ձգտում էր ապահովել իրական իռլանդական վիսկիի անխափան մատակարարումը ալկոհոլային խմիչքների համաշխարհային շուկա: