Շինոբու Փյու Մոլթ

Սաթագույն վիսկիի բույրն արտահայտված է շոգեխաշած կորիզավոր մրգերի, կարմիր հատապտուղների, կաղնու և սպիտակ շոկոլադի նրբերանգներով: Հարուստ համում կիտրոնի և ցիտրուսների նոտաները համադրված են համեմունքային և ծաղկային ակնարկներին: Հետհամը երկարատև է՝ կաղնու և կարմիր մրգերի նյուանսներով:

Բաղադրատոմսում օգտագործվում է գետերի ամենամաքուր ջուրը, որը սկիզբ է առնում միշտ ձյունով ծածկված բարձր լեռներից:

Սպիրտները սկզբում հնանում են բուրբոնի և խերեսի տակառներում, այնուհետև վերջնական հնացումը տեղի է ունենում ճապոնական Միզունարա կաղնե տակառներում, որը համարվում է Ճապոնիայի ամենաթանկ և հազվագհուտ ծառատեսակներից մեկը:

Shinobu անվանումը ճապոներենից թարգմանաբար նշանակում է «համբերություն»: Shinobu Pure Malt վիսկին ոգեշնչված է ճապոնական սամուրաների ոգով, համբերությամբ ու հաստատակամությամբ:

Niigata Beer-ը փոքր ընկերություն է ճապոնական Նիիգատա քաղաքում՝ խոշոր նավահանգստային կենտրոնում և Հոնսյու կղզու Չուբու շրջանի համանուն պրեֆեկտուրայի մայրաքաղաքում: Նիիգատան հայտնի է իր «սպիտակ» գանձերով՝ ձյուն, բրինձ և սակե։ Հենց այստեղ էլ ձեռնարկատեր Քեն Ուսամին 1997 թվականին որոշում է բացել գարեջրի գործարան, որը հայտնի էր գարեջրի պատրաստման գործընթացում իր երկրորդ խմորման մեթոդով: 2017 թվականին Ուսամին ստանում է վիսկի արտադրելու թույլտվություն, որի մասին վաղուց էր երազում։ Իր սերնդի համար վարպետն ընտրել է Shinobu անունը, որը ճապոներեն նշանակում է «համբերություն»։ Վիսկի ստեղծելու համար խնամքով ընտրվում են լավագույն թորվածքները, որոնք այնուհետև հնացվում են բուրբոնի և խերեսի կաղնե տակառներում, ինչպես նաև ճապոնական արժեքավոր Միզունարա կաղնե բարիկներում՝ զարգացնելով խորը և ներդաշնակ համուհոտ: