Այս կարմիր գինին ունի ռուբինագույն երանգներ: Քիմքին հստակ զգալի են մրգային նոտաները, որոնց լրացնում են խոտաբուսային համերը: Գինին շատ մարմնեղ է և կայուն հետհամով:

Այս գինին ցանկալի է համադրել պաստայի, թռչնամսի և այլ մսային ուտեստների հետ:

Հատուկ ընտրված խաղողը անցնում է խմորում բնական խմորիչներով, որին հաջորդում է 20 օրյա մացերացիան կեղևի հետ միասին: Մալոլակտիկ խմորման ընթացքում գինին լցվում է բետոնե պահամաններ:

Գինու հնացումն իրականացվում է երկու տարբերակով: Ստացված հումքի 40%-ի համար օգտագործվում են 500 լիտրանոց ֆրանսիական կաղնե տակառներ, մյուս՝ 60%-ը պահվում են բետոնե պահամաններում:

Հողը չափազանց տարասեռ է, քարքարոտ՝ կազմված կրային շերտից: Բարձրությունը ծովի մակարդակից կազմում է 1100 մ:

1800 թվականից Արգենտինայում բնակվող Զուկարդիների ընտանիքը միշտ ակտիվորեն ներգրավված է եղել հողերի բարելավման աշխատանքների մեջ: Այսպիսով Դոն Ալբերտո Զուկարդին 1963 թվականին գնում է հողատարածք՝ սկսելու գինու սեփական արտադրությունը և բոլորին ցույց տալու, որ Արգենտինայի չոր հողերը կարող են զարմանալիորեն փափուկ դառնալ անուշաբույր գինիներ արտադրելու համար: Ներկայումս Zuccardi ընտանիքին են պատկանում 170 հեկտար խաղողի այգիներ։ Ընկերության ղեկավարը՝ Խոսե Ալբերտո Զուկարդին, մեծ պատասխանատվությամբ շարունակում է հոր գործը՝ փորձարկելով խաղողի բազմաթիվ, այդ թվում՝ արտասովոր և հազվագյուտ տեսակներ: Ըստ Խոսե Ալբերտոյի՝ լավ խաղողի այգին գինու հետագա հաջողության գրավականն է: Իմանալ ավելին