Գինու բարդ բույրում կարելի է բացահայտել կարմիր մրգերի, համեմունքների, վանիլի նրբերանգները: Գինու համը հագեցած է, հավասարակշռված, հարուստ՝ մրգային նոտաներով և երկար հետհամով:

Հիանալի է համադրվում սնկի, հնացված պանիրների, սպիտակ մսի հետ:

Կիսաչոր խաղողը նրբորեն տրորվում է: Խմորումը, որը տևում է ամիսներ, ընթանում է երկու փուլով. սկզբում՝ վայրի խմորիչներով, այնուհետև օգտագործելով մաքուր խմորիչ՝ որակյալ խմորման համար:

Գինին 3 տարի հնացվում է կաղնե տակառներում, 3 տարի՝ շշի մեջ:

«Զարմ» բառը նշանակում է սերունդ, ընտանիքի շարունակություն, իսկ գինու պիտակի վրա դաջված է Մարան ընտանիքի  տոհմածառը:

Աղավնաձորի խաղողի այգիներ, Վայոց ձորի մարզ: Բարձրություն՝ 1300-1400 մ, խաղողի վազերի միջին տարիք՝ 40:

Մարանի պատմությունը սկսվել է 1829–1830 թվականներին, երբ Մարան տատն իր ընտանիքի հետ Պարսկաստանից ներգաղթում է Հայաստան՝ Վայոց ձորի մարզ։ 1860 թվականին Մարանի որդին՝ Հարությունը, Արտաբույնք գյուղում խաղողի այգի է տնկում՝ այն անվանելով Մարանի խաղողի այգի՝ ի պատիվ իր մոր։ Երեք տարի անց հիմնվում է Մարան գինեգործարանը։ Իմանալ ավելին