Մուգ սաթագույն վիսկիի բույրն արտահայտված է մրգային ժելեի, խնձորի, վանիլի, իրիսի և մաստակի նրբերանգներով: Գերազանց համում գերիշխում են մրգերի, իրիսի, վանիլի, կաղնու նոտաները համադրված ծխային ակնարկներին: Հետհամում նկատվում են ծխային և կաղնային երանգներ: 

Վիսկին կարելի է ըմպել ինքն իրենով կամ սառույցով։

Շնորհիվ եզակի կլիմայական պայմանների, մաքուր ջրի և հնացման առանձնահատկությունների՝ Ակաշի վիսկին ստանում է այն յուրահատուկ համնուհոտը, որը բարձր է գնահատվում ամբողջ աշխարհում:

Խմիչքը հնացվում է մի քանի տարի ամերիկյան կաղնե տակառներում:

Akashi վիսկին ճապոնական ամենահայտնի վիսկիներից է: Այն արտադրվում է White Oak Distillery թորարանում, որը գտնվում է Ակաշի քաղաքում՝ Օսակայի հարևանությամբ: Գործարանը պատկանում է Eigashima ընկերությանը, որը 1919 թվականին առաջինն է ստացել Ճապոնիայում վիսկի արտադրելու հավաստագիրը:

Akashi քաղաքի անվանումը թարգմանվում է որպես «Արևածագի քաղաք», որն ունի ավելի քան 500 տարվա պատմություն։ Այստեղ Էյգաշիմա Շուզոյի ընտանիքը ավելի քան երեք դար է, ինչ պատրաստում է ավանդական ճապոնական ալկոհոլային խմիչքներ, ինչպիսին է օրինակ սակեն: Eigashima Shuzo-ն, հիմնադրվել է 1888 թվականին, իսկ 1919 թվականին ստացել է ճապոնական վիսկիի արտադրության առաջին լիցենզիան: Այժմ Eigashima Shuzo-ն խոշոր ճապոնական ընկերություն է, որը գտնվում է Հյոգո պրեֆեկտուրայում և մասնագիտացած է ալկոհոլային խմիչքների արտադրության մեջ (վիսկի, սակե, կոնյակ, մրգային գինի, լիկյոր): Ընկերության 100-ամյա պատմության ընթացքում նրա խմիչքները, բարձր որակի շնորհիվ, սիրվել են շատերի կողմից և բարձր գնահատականի արժանացել: Eigashima Shuzo-ն ունի մի քանի գործարաններ, որոնցից յուրաքանչյուրը պատասխանատու է կոնկրետ տեսակի խմիչքի արտադրության համար։ Բոլոր արտադրամասերը հագեցած են գերազանց տեխնոլոգիական սարքավորումներով։