Ալլուրիա Դը Սփեյշլ Ռեզերվ

Գինին մուգ կարմիր է՝ մանուշակագույն  երանգներով: Վառ և հարուստ բույրն արտահայտված է  թթի դոշաբի, սև հաղարջի, վանիլի, դարչինի, սուրճի և հասած բալի նոտաներով: Քիմքին բալանսավորված է և ներդաշնակ՝ թավշյա տանիններով, երկարատև, հաճելի հետհամով:

Գինին լավ համադրվում է խորոված մսի, բադի, հնացված և կապույտ պանիրների հետ:

Այս գինին պատրաստված է ավանդական եղանակով, ինքնաբուխ խմորմամբ՝ առանց կոմերցիոն խմորիչների և սուլֆիտների հավելումների:

Հնացվում է 12 ամիս արցախյան կաղնե տակառներում:

Խաղողի այգիները գտնվում են Արմավիրի մարզում, որտեղ գերակշռում են ավազակավային հողերը։

Վանի շրջանում գտնվող Ալյուր գյուղից է սկիզբ առել Մաչանյան ընտանիքի գինու պատրաստման ամենամյա ավանդույթը: Ընկերության ղեկավարն է Սամվել Մաչանյանը՝ կրթությամբ ֆինանսիստ, օրգանական գինեգործության գաղափարների սիրահար։ Ընկերությանը պատկանում է 5 հա հողատարածք, որը գտնվում է ծովի մակարդակից 900 մետր բարձրության վրա։