Ֆեուդի դի Սան Գրեգորիո, Լակրիմա Քրիստի Բիանկո

Գինին բյուրեղագույն է՝ դեղնավուն երանգներով։ Բույրում նկատելի են սպիտակ մրգերի և ցիտրուսային կեղևի թարմ նոտաները։ Քիմքին փափուկ է ու թարմ՝ նուրբ հանքային բաղադրիչով և  անուշաբույր, կայուն ավարտով:

Գինին իդեալական է որպես ապերիտիվ, հիանալի համադրվում է սուշիի, սաշիմիի, ռիզոտոյի, պաստայի, ինչպես նաև բանջարեղենային և ձկնային մի շարք ուտեստների հետ, ինչպիսիք են ձկնային նախուտեստները, ապուրները, սպիտակ ձկով պաստաները, լոլիկի սոուսով ձուկը, տապակած, խորոված և շոգեխաշած ձուկը:

"Lacryma Christi" գինի ստեղծելու համար Coda di Volpe և Falanghina խաղողի սորտերը աճեցնում են հրաբխային հողի վրա:  Տարիքը՝ 15-ից 25 տարեկան։ Բերքահավաքը տեղի է ունենում ձեռքով, սեպտեմբերի վերջին շաբաթներին՝ հատուկ 18 կգ արկղերում։ Այնուհետև դրանք սառնարաններով տեղափոխվում են գինեգործարան։ Խմորումը տեղի է ունենում չժանգոտվող պողպատե պահամաններում՝ 16-18 °C ջերմաստիճանում։

Շուրջ 5 ամիս հնացում՝ չժանգոտվող պողպատե պահամաններում:

Խաղողի այգիները գտնվում են Իրպինիայում՝ ծովի մակարդակից 350-ից 700 մետր բարձրության վրա։

"Lacrima Christi" գինին հայտնի է ամբողջ աշխարհում: Սկզբում այն թողարկվել է Վեզուվիուսի լանջերին գտնվող վանքերի վանականների կողմից, իսկ հետո՝ ճիզվիտների կողմից: Երկրագնդի այս հրաշալի անկյունը և դրա գինիների համբավը բազմաթիվ առասպելների և լեգենդների պատճառ են դարձել: Ասում են. «Աստված արտացոլված է Նեապոլի ծոցում: Երբ Լյուցիֆերի՝ անդրաշխարհն ընկնելու ժամանակ երկինքը պատռվեց,  Աստված լաց եղավ: Եվ այն վայրերում, որտեղ նրա աստվածային արցունքները թափվեցին, կյանքն առաջացավ խաղողի վազի տեսքով»։

1986 թվականին հիմնադրված Feudi di San Gregorio գինեգործարանը դարձել է Հարավային Իտալիայի գինիների և գինու մշակույթի վերածննդի խորհրդանիշ: Այսօր գինեգործարանը մեծ հեղինակություն է ձեռք բերել ողջ աշխարհում՝ որպես Իտալիայի առավել դինամիկ զարգացող ընկերություններից մեկը՝ կենտրոնանալով գինիների որակի, վայրի-բնական խմորման և նորարարական տեխնոլոգիաների կիրառման վրա: